6 years ago
July 22, 2018
म्याड्रिड (एजेन्सी) – ब्राजिलका युवा प्रतिभा भेनेसियस जुनियरलाई भित्राउने स्पेनिस जाइन्ट रियल म्याड्रिडको योजना पुरा भएको छ । १८ वर्षे भेनेसियसलाई अघिल्लो वर्ष नै क्लबले अनुबन्ध गर्ने प्रयास गरेपनि उमेरका कारण यो सिजन मात्रै लिन सम्भव भएको थियो र टोलीले उनलाई शुक्रबार सार्वजनिक गरेको थियो । स्पेनमा विदेशी खेलाडी अनुबन्ध गर्नका लागि खेलाडीको उमेर १८ […]
म्याड्रिड (एजेन्सी) – ब्राजिलका युवा प्रतिभा भेनेसियस जुनियरलाई भित्राउने स्पेनिस जाइन्ट रियल म्याड्रिडको योजना पुरा भएको छ । १८ वर्षे भेनेसियसलाई अघिल्लो वर्ष नै क्लबले अनुबन्ध गर्ने प्रयास गरेपनि उमेरका कारण यो सिजन मात्रै लिन सम्भव भएको थियो र टोलीले उनलाई शुक्रबार सार्वजनिक गरेको थियो ।
स्पेनमा विदेशी खेलाडी अनुबन्ध गर्नका लागि खेलाडीको उमेर १८ वर्ष उमेर नाघेको हुनुपर्ने प्रावधान छ । रियलले भेनेसियसलाई ब्राजिली क्लब फ्लेमिङ्गोबाट ४५ मिलियन पाउन्डमा सान्टियोगो बर्नबेउ ल्याएको हो । भेनेसियसले ब्राजिलका आइडल नेयमार जुनियरसँग क्लबमै खेल्ने चाहना राखेका छन् । तर, उनले नेयमारसँग क्लबबाट मात्रै नभई ब्राजिली टिमबाट मात्रै सम्भव हुन सक्ने बताएकबा छन् ।
‘मेरो ब्राजिली आइडल नेयमारसँगै क्लब फुटबलमा खेल्ने चाहना छ । तर, यो सिजन रियल मा सम्भव होला जस्तो देखेको छैन ’ भेनेसियसले भनेका छन्, ‘ब्राजिली आइडल नेयमार र मेरो खेल्ने पोजिसन एकै हो । यो अब राष्ट्रिय टिमबाट मात्रै सम्भव देखेको छु ।’ भेनेसियसलाई ब्राजिलका रोनाल्डोसँग पनि तुलना गरिएको छ । उनले भने, ‘मेरो लागि रोनाल्डो र नेयमार दुवै आदर्श व्यक्ति हुन् ।’
रियलका सर्वाधिक गोलकर्ता क्रिस्यिानो रोनाल्डोले क्लब छाडेपछि क्लबले रोनाल्डोको विकल्पमा नेयमार, इडेन हजार्ड, ह्यारी केन, केलियन एमबाप्पे जस्ता खेलाडी अनुबन्ध गर्ने प्रयासमा छ । हजार्डले मात्रै क्लब छोड्न सक्ने संकेत गरिरहँदा नेयमार र एमबाप्पेले पिएसजीमै बस्ने संकेत दिएका छन् । केनले पनि टोटनह्याम छाड्ने सम्भावना कम छ ।
‘नेयमार मेरो आइडल हो । उनी सारा ब्राजिलको आइडल पनि हो । उनीसँग खेल्ने मेरो सपना छ , उनले भने, यदि भगवान साथमा छ भने यो छिट्टै ब्राजिली टिमबाट सम्भव हुन सक्छ । र मैले उनीसँगै खेल्नेछु ।’ रियलका अध्यक्ष फियोरेन्टिना पेरेजले रोनाल्डाको बर्हिगमनसँगै टिमलाई अझै सशक्त बनाउने बताइरहेका छन् । उनले ब्राजिलबाट भेनेसियस र इटालीबाट अल्भेरो ओर्डिजोला जस्ता युवा प्रतिभाहरुको आगमनले टिम बलियो बन्दै गएको संकेत गर्दै छिट्टै टिम बलियो बन्न सक्ने बताएका छन् ।
‘हामी अझै उत्कृष्ट खेलाडीहरु अनुबन्ध गर्ने प्रयासमा छौं । हामीले भेनेसियस र ओर्डिजोलाजस्ता युवा प्रतिाभाहरु क्लबमा अनुबन्ध गरिसकेका छौं । अझै उत्कृष्ट खेलाडीहरु थप्ने प्रयासमा छौं ’ पेरेजले भने, ‘युवा खेलाडीहरुमा ड्रिब्लिङ, टेक्निक, गति र गोल गर्ने क्षमता छ । मलाई विश्वास छ कि यही युवा टिमबाट रियलको नयाँ युग सुरु हुनेछ ।’
May 2, 2024
दिपक बोहरा, पाँचथर दुई महिना अघि फिदिममा भएको चौथो पाँचथर गोल्ड कप प्रतियोगिताको हिसाब सार्वजनिक गरिएको छ । आयोजक पाँचथर क्लबले बुधबार फिदिममा पत्रकार सम्मेलन गर्दै प्रतियोगिताको आयव्यय सार्वजनिक गरेको हो । फिदिममा फागुन १२ गतेबाट १९ गते सम्म चलेको प्रतियोगितामा ४६ लाख ६४ हजार ६ सय ६० रुपैयाँ आम्दानी भएको थियो। त्यसमा ७ लाख […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]