म्यानचेस्टर (एजेन्सी)- पूर्व रेड डेविल्स स्टार ली सार्पले फ्रान्सेली प्रशिक्षक जिनादिन जिदानलाई म्यानचेस्टर युनाइटेडमा नियुक्त गर्नु राम्रो भएको बताएका छन् । जोसे मोउरिन्होको परिक्षा सकिसकेको र युनाइटेडका लागि जिदान एक आदर्श उम्मेदवार भएको उनले बताएका हुन् ।

पूर्व रियल मड्रिड प्रशिक्षक जिदान यसै सिजन ओल्ड ट्राफोर्ड आउन सक्ने हल्ला चल्दै आएको छ । यो परिवर्तन छिट्टै हुन सक्ने अनुमान गरिएको छ । जसमा बेडरुम देखी खेल मैदान सम्म विभाजन भएइरहेको छ । सार्पले पोर्चुगलका मोउरिन्हो क्रिसमस भन्दा पहिले नै निलम्बित हुन सक्ने बताएका थिए । मोउरिन्हो माथि निर्देशनको कमी भएको आरोप लागिरहेको छ ।

मोउरिन्होले खेल हुनु भन्दा पहिले खेलाडीलाई राम्रो प्रशिक्षण नदिएको र खाली प्रतिस्पर्धाका लागि खेलाडी मात्र छनोट गरिरहेको आरोप लागेको छ । एक उत्कृष्ट कोच जस्तै नभएर मोउरिन्हो फेरी परिक्षणकालमा छन् । सार्पले भने , ‘क्लबमा आएर पनि उनी कहिले खुसी भएनन् । यस्तो लाग्छ की युनाइटेडमा कुनै योजना नै छैन् ।’ उनले थपे, ‘कसैलाई थाहा छैन उनी के गर्न चाहन्छन् र कहाँ जान चाहन्छन् ।’

गत सिजनको अन्त्यमा रियलबाट बाहिरिएका जिदानले रियउललाई तीन च्याम्पियन्स लिग र एक ला लिगा उपाधि जिताएका थिए । हाल जिदान कुनै क्लबमा आबद्ध छैनन् ।