नवयुग श्रेष्ठको दुइ गोलको मद्धतले नेपाल आर्मी क्लबले जारी मनकामाना केबल कार कपमा सरस्वती युवा क्लब लाई ३-१ ले हराउदै प्रतियोगिताको अन्तिम ८ प्रवेश गरेको छ ।
सरस्वती युवा क्लब बिरुद्ध गोल गर्दै नवयुग श्रेष्ठ : फोटो – सुदर्शन रन्जित
नेपाल आर्मीको लागी नवयुगले २ र धिरज तामङले १ गोल गरे भने सरस्वतीको एक मात्र गोल सुशन लामाले गरेका थिए ।
खेलको १० औ मिनेटमा गोल गर्दै आर्मीलाई नवयुगले अग्रता दिलाए पनि सुशनको पहिलो हाल्फको अन्तीन मिनेटको गोलले पहिलो हाल्फको अन्त्य मा दुबै टोलीलाई बराबरिमा राख्यो ।
दोस्रो हाल्फमा ६१ औ मिनेटमा गोल गर्दै धिरजले आर्मीलाई अग्रता दिलाए भने खेल सकिन केहि मिनेट मात्र बाकी रहदा गोल गर्दै नवयुगले आर्मीको जित सुनिस्चित गरे ।
