एजेन्सी – नयाँ प्रशिक्षक आन्द्रे गनर सोल्सजरको प्रशिक्षणमा म्यानचेस्टर युनाइटेडले लगातार सातौ जित निकालेको छ ।
प्रिमियर लिग अन्तरगत शनिबार राति भएको खेलमा युनाइटेडले ब्राइटन होभ अल्वियोनलाई २–१ ले पराजित गर्दै शतप्रतिशत जित आत्मसात गरेको हो । युनाइटेडको जितमा पल पोग्वार र मार्कुस रासफर्डले गोल गरे । ब्राइटनका पास्कल ग्रसले एक गोल फर्काए ।
युनाइटेडले पहिलो हाफमै २–० को अग्रता बनाएको थियो । युनाइटेडले २७औं मिनेटमा पल पोग्वाको पेनाल्टी गोलबाट खेलमा अग्रता लिन सफल भएको थियो । गाइटान बोङले पेनाल्टी बक्समा पोग्वालाई नै लडाएपछि युनाइटेडले पेनाल्टीको मौका पाएको थियो । जसलाई पोग्वा आफैले सदुपयोग गरे ।
४२औं मिनेटमा मार्कुस रासफोर्डले डिएगो डालोटको पासमा गोल गरेपछि युनाइटेड २–० ले अघि बढेको थियो । ७२औं मिनेटमा पास्कल ग्रसले गोल गर्दै गोलअन्तर २–१ मा झारेपनि त्यसपछि थप गोल निस्कन नसक्दा युनाइटेड २–१ ले विजयी हुन सफल भयो ।
जितपछि युनाइटेड २३ खेलबाट ४४ अंक जोडेर पाँचौ स्थानमा उक्लिएको छ । युनाइटेडले एक खेल कम खेलको आर्सनललाई ३ अंकले पछि पारेको हो । ब्राइटन २६ अंक जोडेर १३औं स्थानमा छ । जितपछि युनाइटेड २३ खेलबाट ४४ अंक जोडेर पाँचौ स्थानमा उक्लिएको छ । युनाइटेडले एक खेल कम खेलको आर्सनललाई ३ अंकले पछि पारेको हो । ब्राइटन २६ अंक जोडेर १३औं स्थानमा छ ।
प्रिमियर लिगका अन्य खेलका नतिजाहरु
वल्भ्स विरुद्ध लेस्टर सिटी (४–३)
बर्नमाउथ विरुद्ध वेस्टह्याम (२–०)
लिभरपुल विरुद्ध क्रिस्टल प्यालेस (४–३)
न्यु क्यासल विरुद्ध कार्डिफ सिटी (३–०)
साउथह्याम्पटन विरुद्ध एभर्टन (२–१)
वाट्फोर्ड विरुद्ध बर्नली (०–०)
