काठमाडौं (हाम्रो खेलकुद) – सिन्धुपाल्चोकको पुरानो क्लब युथ स्पोर्टस क्लबको आयोजनामा अर्को साताबाट प्रथम सेती देवी अशोक शंकर स्मृति विद्यालयस्तरी फुटबल प्रतियोगिता हुने भएको छ ।

सिन्धुपाल्चोकका १०, दोलखा, भक्तपुर र काभ्रेका एक एक गरि १४ विद्यालय प्रतियोगितामा भाग लिने क्लबका अध्यक्ष वीरबहादुर खड्काले आइतबार राजाधनीमा आयोजित पत्रकार सम्मेलनमा जानकारी दिए ।

लामोसाँघुस्थित बसन्तपुर खेल मैदानमा माघ १५ गतेदेखि प्रतियोगिता नकआउटका आधारमा सुरु हुनेछ । सहभागि टोलीलाई दुई समूहमा विभाजन गरिने बताइएको छ । माघ २२ गते सम्म चल्ने प्रतियोगिताको विजेताले उपाधिसहित ५० हजार, दोस्रो हुनेट टोलीले २५ हजार रुपैयाँ प्राप्त गर्नेछ । प्रतियोगिताको उत्कृष्ट खेलाडीले ५ हजार रुपैयाँ पाउनेछन् ।

प्रतियोगिताका लागि सेतीदेवी मावि, कंगागु एजुकेशन, सुनकोशी गाँउपालिका, बलेफी गाँउपालिका वडा नं ७ र ८, लामोसाँघु बचत तथा ऋण सहकारी, किरण इन्टरप्राइजेजको सहयोग रहेको बताइएको छ ।

क्लबका पूर्व सचिव अशोक महर्जन र सदस्य शंकर श्रेष्ठको क्लबका गतिविधिमा महत्वपूर्ण योगदन रहेहको स्मरण गर्दै क्लबका संस्थापक एवंम् मानर्थ अध्यक्ष इश्वर कार्कीले उहाँहरुको सम्झनामा प्रतियोगिता गर्न लागेको बताए ।

अखिल नेपाल फुटबल संघ (एन्फा) का उपाध्यक्ष समेत रहेका क्लबका अध्यक्ष खड्काले अर्को वर्षदेखि प्रतियोगितालाई प्रदेश ३ स्तरीय बनाउने र पुरस्कार राशीमा पनि बृद्धि गर्ने जानकारी दिए । क्लबले अर्को वर्षको सुरुवातमा जिल्लाकै पुरानो प्रतियोगिता सिन्धु कप आयोजना गर्ने पनि घोषणा गरे ।

खेलाडी उत्पादनका लागि एन्फाले पनि ग्रासरुट र युवा फुटबललाई प्राथमिकतामा राखेकोले विद्यालय फुटबल गराउन लागेको अध्यक्ष खड्काले बताए । प्रतियोगितामा एन्फाले खेल सामाग्री उपलब्ध गराउने बताइएको छ ।