काठमाडौं (हाम्रो खेलकुद) – जापानको रिस्सो विश्वविधालय मनकामना केबुलकार पोखरा कप खेल्न नेपाल आउने भएको छ । पोखरा कप मंगलबार पोखरामा सुरु हुँदैंछ ।

झन्डै चार दशक पुरानो रिस्सो विश्वविधालय जापानको इस्ट युनिभर्सिटी लिगमा खेलिरहेको छ । गत वर्षमात्र टोलीले जे लिगमा खेल्ने खेलाडी उत्पादन गरेको थियो । टोली माघ २० गते काठमाडौं आइपुग्ने छ र त्यही दिन पोखरा जाने कार्यक्रम रहेको बताइएको छ ।
रिस्सो विश्वविधालय पहिलो पटक नेपाल आएर खेल्न लागेको हो । नेपाली पूर्व राष्ट्रिय खेलाडी वसन्त गौचन र फन रुट्स एकेडेमीको पहलमा रिस्सो विश्वविधालय नेपाल आउन लागेको हो । गौचन जापानको टोक्योमा अवस्थित फन रुट्स एकेडेमीका प्रशिक्षक हुन ।
उनका अनुसार फन रुट्सका मालिक जुन हिरानोले रिस्सोलाई नेपाललाई सहयोग गरेको छ । हिरानो पनि प्रतियोगिताका क्रममा २ दिनका लागि नेपाल आउने छन् ।
फनरुट्सले रिस्सो आउने सबै व्यवस्थापन गरेको गौचनले जनाए । । गौचनका अनुसार प्रतियोगिता जितेको खण्डमा प्राप्त हुने नगद मध्येको केही रकम रिस्सोले नेपालमा च्यारिटीका लागि प्रदान गर्नेछ ।