काठमाडौं (हाम्रो खेलकुद) – नेपाल र मलेसियाको राष्ट्रिय फुटबल टोलीबीच अर्को महिनाका लागि तय भनिएको मैत्रीपूर्ण फुटबल खेल स्थागित भएको छ । नेपाल र मलेसियाबीच चैत १२ गते मैत्रीपूर्ण खेल मलेसियामा हुने तय थियो ।
विश्व फुटबल महासंघ (फिफा) ले मैत्रीपूर्ण खेलका लागि अनुमति नदिएपछि मैत्रीपूर्ण खेल स्थगित गर्नुपरेको मलेसिया फुटबल संघबाट प्राप्त पत्रमा उल्लेख गरिएको अखिल नेपाल फुटबल संघ (एन्फा) ले जनाएको छ ।
मार्च महिनामा मात्र मलेसियाले २ खेल खेलिसकेकोले नेपालसँगको खेल यसपटक खेल्न नसकिएको मलेसियाले पठाएको पत्रमा उल्लेख छ । मलेसियासंगको मैत्रीपूर्ण खेल स्थगित भएपनि नेपालले कुवेतबीच चैत ७ गते मैत्रीपूर्ण खेल हुने एन्फाले जनाएको छ ।
