6 years ago
March 13, 2019
एजेन्सी – यूईएफए च्याम्पियन्स लिगअन्तर्गत प्रि–क्वाटरफाइनलको दोस्रो लेगमा आज राति जर्मन च्याम्पियन बायर्न म्युनिखले इंग्लिस प्रतिद्वन्द्वी लिभरपुलको सामना गर्दै छ । खेल बायर्नको मैदान आलियान्ज एरिना म्युनिखमा नेपाली समय अनुसार राति १ः४५ बजेपछि हुनेछ ।
पहिलो लेग गोलरहित बराबरीमा सकिएकोले दोस्रो लेग निकै प्रतिस्पर्धात्मक र रोमाञ्चक हुने अपेक्षा गरिएको छ । लिभरपुल विरुद्धको ८ खेलमा बायर्नले एक खेलमा जितमा हात पार्दा ५ हार र २ बराबरीको नतिजा निकालेको छ । १९७१ मा भएको विनर्स कपमा बायर्नले लिभरपुललाई ३–१ ले पराजित गरेको थियो । त्यसयता बायर्नले लिभरपुललाई पराजित गर्न सकेको छैन ।
लिभरपुलविरुद्धको पहिलो लेगमा बायर्नले राम्रो खेल्न सकेको थिएन । घरेलु मैदानमा बायर्न लिभरपुललाई पराजित गर्दै क्वाटरफाइनल पुग्ने लक्ष्यमा मैदान उत्रनेछ । बायर्न सन् २०१०–११ पछि लगातार क्वाटरफाइनलमा पुग्न सफल टोली हो । त्यतिबेला बायर्न इन्टर मिलानसँग प्रि–क्वाटरफाइनलमा पराजित भएको थियो ।
पछिल्ला ७ खेलमा अपराजित बायर्नका लागि लिभरपुलविरुद्ध फरवार्ड रोबर्ट लेवान्डोस्की मुख्य हतियार हुनेछन् । लेवान्डोस्कलीले घरेलु मैदानमा आलियान्ज एरिनामा भएको च्याम्पियन्स लिगको २२ खेलमा २३ गोल गरेका छन् । बायर्न बुन्डेस लिगाको शीर्षस्थानमा रहँदा लिभरपुल प्रिमियर लिगको दोस्रो स्थानमा छ ।
लिभरपुलविरुद्धको खेलमा गोलरक्षक म्यानुएल नुयरले बायर्नको पोस्ट सम्हाले उनी च्याम्पियन्स लिगमा १०० खेल खेल्ने छैटौ गोलरक्षक हुनेछन् । यसअघि इकर कासियस, जियानलुजी बुफोन, पिटर चेक, भिक्टर भाल्डेज र ओलिभर काहनले च्याम्पियन्स लिगमा १०० खेल खेल्ने आँकडा पारे गरेका छन् ।
यता, लिभरपुल बायर्नलाई उसकै मैदानमा पराजित गर्दै क्वाटरफाइनल पुग्ने लक्ष्यमा हुनेछ । पछिल्ला १० खेलमा अपराजित लिभरपुलले पहिलो लेगमा प्रभावशाली प्रदर्शन गरेपनि गोल गर्न असमर्थ बनेको थियो । उसका फरवार्ड साडियो माने, मोहम्मद सलाह र रोबर्टाे फिर्मिनोको प्रयास असफल भएको थियो । त्यो गल्तीलाई सुधार्दै लिभरपुल बायर्नविरुद्ध उत्रनेछ ।
क्वाटरफाइनल पुग्न दुवै टोलीलाई जित आवश्यक छ । तर, गोलसहित बराबरी भएको अवस्थामा लिभरपुल अवे गोलको आधारमा अघि बढ्नेछ । यता, बायर्नलाई गोलसहितको बराबरीले अर्काे चरण नपुग्ने हुदा बायर्नलाई निश्चित जित आवश्यक छ ।
July 10, 2025
काठमाडौं (हाम्रो खेलकुद) – एएफसी यु-२३ एसियाली कप छनोटको बन्द प्रशिक्षणमा ४० खेलाडीलाई बोलाइएको छ । सातदोबाटोस्थित एन्फा कम्प्लेक्समा आयोजित विभिन्न चरण छनोट पछि यू-२३ राष्ट्रिय टोलीको बन्द प्रशिक्षणका लागि ४० खेलाडीहरू छनोट भएका हुन् । मुख्य प्रशिक्षक नवीन न्यौपानेले पहिलो चरणको ट्रायलका लागि बोलाइएका ८९ खेलाडीहरूको प्रारम्भिक समूहबाट बन्द प्रशिक्षणको लागि टोली छनोट गरेको […]
July 10, 2025
काठमाडौं (हाम्रो खेलकुद) – एन्फा यु-१६ युथ लिगमा मनाङ मर्स्याङ्दी र मछिन्द्र क्लबले बराबरी खेल्दा न्युरोड टिम एनआरटीले जित निकालेको छ । एन्फा कम्प्लेक्स सातदोबाटोमा बिहिबारको दोस्रो खेलमा मनाङ र मछिन्द्रले १-१ को बराबरी खेले । मछिन्द्रका करन धामीले तेस्रो मिनेटमा नै गोल गर्दै टोलीलाई अग्रता दिलाए । खेलको १६औं मिनेटमा मछिन्द्रका सुमन बम ठकुरीले […]
July 10, 2025
काठमाडौं (हाम्रो खेलकुद) – फिफा वरीयता नेपाली पुरुष राष्ट्रिय फुटबल टोलीको वरीयता खस्किएको छ । फुटबलको सर्वोच्च निकाय फिफाले बिहीवार सार्वजनिक गरेको नयाँ वरीयतामा नेपाल एक स्थान खस्किएको हो । नयाँ वरीयतामा नेपाल १ सय ७६औं स्थानमा छ। यसअघि नेपाल १ सय ७५औं स्थानमा थियो । नेपालीले पछिल्लो समय दुई अन्तर्राष्ट्रिय खेल खेलेको थियो । […]