काठमाडौं – निशा सुनारले ह्याट्रिक गरेपछि नेपाल पुलिस क्लबले बिहिबार राष्ट्रिय महिला लिगमा अर्को विभागित टोली एपिएफ क्लबलाई ३–१ हराएको छ ।
गोल गरेपछि पुलिसका खेलाडी ।
सातदोबाटोस्थित एन्फा कम्पेक्सको एस्ट्रो टर्फमा १–० ले पछि परेको अवस्थालाई पुलिसले उल्टाउको थियो । आठौं मिनेटमा अनु लामाको गोलबाट लिएको अग्रतालाई एपिएफले जोगाउन सकेन । पहिलो हाफको अन्तिम मिनेटमा निशाले पुलिसका लागि बराबरी गोल गरिन् । ५१औं मिनेटमा अर्को गोल गरेकी निशाले त्यसको दुई मिनेटपछि गोल गरेर ह्याट्रिक पुरा गरिन् । एपिएफले पहिलो खेलमा पुर्वाञ्चलमाथि १५–० को जित हासिल गरेको थियो ।
