काठमाडौ– गत बर्ष एएफसी यू १४ गल्र्स क्षेत्रिय (दक्षिण र मध्य) च्याम्पिसिप फुटबल प्रतियोगिताको फाइनलमा पुगेको नेपाली टोलीले यसपटक लज्जास्पद हार बेहोर्दै स्वदेश फर्कने तयारीमा छ ।

बल नियन्त्रण गर्ने प्रयासमा नेपाल (रातो जर्सी) र बंगलादेशका खेलाडी ।

ताजकिस्तानमा जारी च्याम्पियनसिपमा लगातार दोस्रो खेल ९–० ले पराजित हुँदै नेपाली टोली समुह चरणबाटै बाहिरिएको छ । गत बर्ष काठमाडौंमा आयोजना भएको च्याम्पियनसिपमा नेपाल फाइनल सम्म पुगेको थियो । फाइनलको दिन वैशाख १२ गते विनाशकारी भूकम्प गतएपछि खेल स्थगित गरिएको थियो । केही महिनाअघि भएको फाइनलमा नेपाल बंगलादेशसँग १–० पराजित भएको थियो । यसपटक भने नेपाल त्यहि बंगलादेशको टोलीसँग बिहीबार ९–० को भारी अन्तरले पराजित भयो । अघिल्लो दिन बुधबार पनि नेपाल भारतसँग सोही अन्तरमा पराजित भएको थियो । एक बर्षअघि फाइनलसम्म पुग्ने नेपाली टोली यसपटक दुई खेलमा १८ गोल खादै घर फर्कने क्रममा छ । साबिक विजेता समेत रहेको बंगालदेशका लागि कप्तान मार्जिया र आउचिङ मोगिनीले ह्याट्रिक पुरा गरे भने तोहुराले २ गोल र अर्को गोल साजेदाले गरिन् । नेपाली टोलीका प्रशिक्षक विनोद लामाले पहिलो खेलमा भन्दा प्रदर्शनमा सुधार भएको दाबी गरे । उनले भने,तर हामी भन्दा बंगलादेश सबै क्षेत्रमा माथि देखियो । हामीले उनीहरुको रणनीतिलाई तोड्न सकेनौं र ठूलो अन्तरको हार बेहोर्नुप¥यो ।

’ समूह ‘ए’ मा इरानले भुटानलाई ७–० ले हरायो भने ताजकिस्तान र कीर्तिस्तानको खेल १–१ को बराबरीमा टुंगियो । समूह ‘बी’ बाट बंगलादेश विजेता र भारत उपविजेताका रुपमा सेमिफाइनल प्रवेश गरेका छन् । ए समूहबाट इरान विजेता र आयोजक ताजकिस्तान उपविजेता बने । अब सेमिफाइनलमा इरानले भारत तथा बंगलादेशले ताजिकस्तानबीच प्रतिस्पर्धा हुनेछ ।