5 years ago
April 19, 2019
बुटवल (हाम्रो खेलकुद) उपाधिको दावेदार विभागीय त्रिभुवन आर्मी क्लब आठौं अन्र्तगतको पुरुष फुटबलमा अर्काे विभागीय टोली नेपाल पुलिस क्लबसँग पराजित भएको छ । बुटवल देवीनगरस्थित एन्फा टेक्निकल सेन्टरको खेल मैदानमा भएको प्रतिस्पर्धात्मक खेलमा १० खेलाडीमा समेटिएको आर्मी पुलिससँग १–० को गोल अन्तरले पराजित भएको हो । आर्मीलाई हार चखाउन दोस्रो हाफमा सुमन लामाले गरेको पेनाल्टी […]
बुटवल (हाम्रो खेलकुद) उपाधिको दावेदार विभागीय त्रिभुवन आर्मी क्लब आठौं अन्र्तगतको पुरुष फुटबलमा अर्काे विभागीय टोली नेपाल पुलिस क्लबसँग पराजित भएको छ ।
बुटवल देवीनगरस्थित एन्फा टेक्निकल सेन्टरको खेल मैदानमा भएको प्रतिस्पर्धात्मक खेलमा १० खेलाडीमा समेटिएको आर्मी पुलिससँग १–० को गोल अन्तरले पराजित भएको हो । आर्मीलाई हार चखाउन दोस्रो हाफमा सुमन लामाले गरेको पेनाल्टी गोल नै निर्णायक बन्यो ।
७३औं मिनेटमा आर्मी १० खेलाडीमा समेटियो । आर्मीका डिफेन्डर बिकास खवासले डि–बक्समा फल गरेपछि रेफ्रीले सोझै रातो कार्ड दिदै मैदान बाहिर पठाएका थिए । त्यसैमा प्राप्त पेनाल्टीमा सुमन लामाले गोल गरे । त्यसपछि थप गोल निस्कन नसक्दा पुलिस १–० ले विजयी हुन सफल भयो ।
आर्मीले पहिलो खेलमा प्रदेश २ लाई ५–० को फराकिलो अन्तरले पराजित गरेको थियो । पुलिसले पहिलो खेलमा प्रदेश ७ लाई ३–० ले पराजित गरेको थियो ।
लगातार दोस्रो जितसँगै पुलिसको ६ अंक पुगेको छ । आर्मीको ३ अंक रहेको छ । समूह ‘ख’ मा आर्मी र पुलिससँगै प्रदेश २, प्रदेश ६ र प्रदेश ७ को खेल बुटवलमा भैरहेको छ ।
आठौं अन्र्तगत पुरुषतर्फको समूह ‘क’ को खेलमा विभागीय नेपाल एपीएफ क्लब प्रदेश ५ सँग ३–२ ले स्तब्ध बनेको छ । एपीएफले सुरुवाती अग्रता जोगाउन नसक्दा हार बेहोरेको हो ।
१७औ मिनेटमा आशिष लामाको गोलबाट एपीएफले अग्रता लिएको थियो । २६औ मिनेटमा प्रदीप लामाले गोल गरेपछि एपीएफ २–० ले अघि बढ्यो ।
पहिलो हाफको इन्न्युरी समयमा पुर्णबहादुर गुरुङले गोल गर्दै प्रदेश ५ लाई खेलमा फर्काउने संकेत दिए । दोस्रो हाफको शुरुमै विवेक पुनले गोल गरेपछि खेल २–२ गोलको बराबरीमा पुगेको थियो । ७६औं मिनेटमा सञ्जु सेनले गोल गर्दै एपीएफ ३–२ ले स्तब्ध भयो ।
लगातार दोस्रो जितसँगै प्रदेश ५ ले ६ अंक जोडेको छ । एपीएफको ३ अंक रहेको छ ।
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]