मारियो गोट्ज र रोबर्ट लेवानडोस्कीको पथलाइ पछ्याऊँदै बोरुसिया डर्टमण्डका कप्तान म्याट्स हुमल्स बायर्न म्युनिख जाने पक्का भएको छ|
दुइ सिजन अगाडी मारिओ गोट्ज र एक सिजन अघिमात्र रोबर्ट लेवानडोस्की बायर्न पुगेका थिए| तर आफ्नो बाल्यकालमा म्युनिखबाट नै फुटबल खेल्न सुरु गरेका हमल्स एकदिन पुन: घरेलु टोलीमै फर्किने आशा धेरैले गरेका थिए|
हमल्सले सन् २०२१ सम्मको अनुबन्धन गरिसकेका छन्| उनलाई क्लबमा भित्र्याएपछि क्लबका कार्यकरी निर्देशक रुमिनेजले आफ्नो क्लबले विश्वको सर्वश्रेष्ठ डिफेन्डरलाई क्लबमा ल्याउन सकेको बताएका छन्|
हमल्स विश्वकप विजेता जर्मन टोलीका पनि महत्वपूर्ण सदस्य थिए| उनले आगामी महिना फ्रान्समा हुने युरोमा पनि जर्मनको डिफेन्स सम्हाल्ने छन्|
