बैशाख ३०- नेपाल आर्मी क्लब उर्लाबारीमा जारी पाँचौ मदन भण्डारी अन्तराष्ट्रिय गोल्डकप फुटबल प्रतियोगिताको सेमिफाइनलमा प्रवेश गरेको छ । भारतको सिलगुढी कञ्चनजंगा फुटबल क्लबलाई ४–० गोलमा हराउँदै आर्मी सेमिफाइनल पुगेको हो । आर्मीले अब शनिबार विआरसी भुटानसँग खेल्ने छ । आर्मीको जितमा नवयुग श्रेष्ठले २, भरत खवास र विशाल रानाले समान १–१ गोल गरे ।

बल नियन्त्रणको प्रयासमा आर्मीका नवयुग श्रेष्ठ ।

विश्व अधिकारीको क्रसमा १५ औं मिनेटमा नवयुगले हेडिङमार्फत पहिलो गोल गरे । ४० औं मिनेटमा सन्तोष तामाङले २५ यार्डबाट प्रहार गरेको फ्रि किकबाट आएको बलमा भारतले गोल गरे । भरत खेलको म्यान अफ दी म्याच चुनिए । ५९ औं मिनेटमा नवयुगको बल पोस्टमा लागेर रिबाउन्ड हुदा विशालले गोल गरे । खेल सकिन एक मिनेट बाँकी रहदा नवयुगले अर्को गोल थपे । आयोजक मदन भण्डारी स्पोर्टस फाउन्डेसन र एपिएफबीच शुक्रबार पहिलो सेमिफाइनल हुनेछ ।