5 years ago
June 2, 2019
काठमाडौं (हाम्रो खेलकुद) – मलेसियाले घरेलु मैदानमा भएको अन्तर्राष्ट्रिय मैत्रीपूर्ण खेलमा नेपाललाई २-० ले पराजित गरेको छ । पहिलो हाफ गोलरहित बराबरीमा सकिएपछि दोस्रो हाफमा २ गोल थप्दै मलेसियाले सहज जित दर्ता गरेको हो । डिफेन्डर अनन्त तामाङले वैकल्पिक खेलाडीका रुपमा मैदान प्रवेश गरेका अख्यर रसिदलाई पेनाल्टी क्षेत्रभित्र लडाएपछि मलेसियाले पेनाल्टी पाएको थियो । उक्त […]
काठमाडौं (हाम्रो खेलकुद) – मलेसियाले घरेलु मैदानमा भएको अन्तर्राष्ट्रिय मैत्रीपूर्ण खेलमा नेपाललाई २-० ले पराजित गरेको छ । पहिलो हाफ गोलरहित बराबरीमा सकिएपछि दोस्रो हाफमा २ गोल थप्दै मलेसियाले सहज जित दर्ता गरेको हो ।
डिफेन्डर अनन्त तामाङले वैकल्पिक खेलाडीका रुपमा मैदान प्रवेश गरेका अख्यर रसिदलाई पेनाल्टी क्षेत्रभित्र लडाएपछि मलेसियाले पेनाल्टी पाएको थियो । उक्त पेनाल्टीलाई सफावीले गोलमा परिणत गर्दै घरेलु टोलीलाई अग्रता दिलाए ।
नेपालका लागि ५८ औं मिनेटमा नवयुग श्रेष्ठले गोल गर्ने अवसर सदुपयोग गर्न सकेनन् । पेनाल्टी क्षेत्रभित्र वन भर्सेस वनको स्थितिमा उनले सट प्रहार गर्न ढिला गर्दा डिफेन्डर सहरुल सादले उत्कृष्ट ट्याकल गरेका थिए । ७४ औं मिनेटमा किरणले मलेसियाको अर्को आक्रमण विफल पारेका थिए ।
८१ औं मिनेटमा मलेसियाले अग्रता दोब्बर पार्यो । झन्डै २५ यार्ड टाढाको फ्रिकिकमा आएको क्रसलाई अनामार्क रहेका सहरुल सादले सहजै गोलमा परिणत गरे । त्यसपछि गोल हुन नसक्दा नेपाल २-० ले पराजित भयो ।
खेलको ६४ औं मिनेटमा नवयुग श्रेष्ठको स्थानमा मैदान प्रवेश गर्दै अभिषेक रिजालले राष्ट्रिय टोलीबाट डेब्यु गरे । प्रशिक्षक कालिनले नियमित खेलाडीलाई विस्थापित गर्दै ६० औं मिनेटपछि लगातार खेलाडी परिवर्तन गरेका थिए ।
त्यसअघि पहिलो हाफको सुरुवाती समयदेखि नै मलेसियाले नेपालमाथि दबाब बनाएको थियो । पहिलो मिनेटमा नै डरलाग्दो स्थानमा फ्रिकिक पाएको मलेसियाले त्यसको सदुपयोग गर्न सकेन । पाँचौ मिनेटमा मलेसियाका स्याज्वन जाइननको प्रहारले गोलरक्षक किरणलाई बिट गरेपनि पोस्टमा लाग्न पुग्यो ।
खेलको २८ औं मिनेटमा नेपालका विक्रम लामाको प्रहार पोस्टमा लागेको थियो । गोलरक्षक पोजिसनमा नरहेको अवस्थामा विक्रमले पेनाल्टी क्षेत्र बाहिरबाट गरेको प्रहार डिफेन्डरलाई लाग्दै पोस्टमा लाग्दा नेपालले अग्रता लिन सकेन । त्यसपछि मलेसियाले पेनाल्टी क्षेत्रबाहिरबाट गरेको दुई प्रहारलाई किरणले विफल तुल्याए । पहिलो हाफको खेलको एक मिनेट समय बाँकी हुँदा किरणले बचाउ गरेको प्रहार रिबाउन्ड हुँदा रंजितले गोललाइनबाट क्लियर गर्दै खतरा टारेका थिए ।
प्रशिक्षक योहान कालिनले जिम्मेवारी सम्हालेयता नेपालको यो तेस्रो खेल हो । कुवेतविरुद्ध यसअघि एक गोलरहित बराबरी र १-० को हार भोगेको नेपालले तीन खेल सकिँदासम्म गोल गर्न सकेको छैन । नेपालले अब बिहीबार हुने मैत्रीपूर्ण खेलमा चाइनिज ताइपेइको सामना गर्नेछ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]