एजेन्सी– बार्सिलोनाका महान सामुइल इटोले नेयमार क्लबमा फर्के भने सबै खुसी हुने विश्वास व्यक्त गरको छन् । तर, सँगै उनले क्लबका सर्वाधिक सफल खेलाडी लियोन मेस्सीको योगदान अनुसारको सुविधा बढाउनुपर्ने तर्क गरका छन् ।

युथ एकेडेमी हुँदै आएका ३२ वर्षे मेस्सी क्लबप्रति निकै समपर्ण देखाएको इटोले बताए । जसका कारण उनी आफै पनि क्लबका सर्वाधिक सफल खेलाडी बन्न सफल भएका छन् ।

इटोले मेस्सीसँग बार्सिलोनामा पाँच वर्षसँगै खेलेका थिए । नेयमार यदि बार्सिलोना फर्कन्छन् भने त्यसले सबैलाई फाइदा पुग्ने उनको विचार छ । त्यसले मेस्सीलाई पनि राम्रो हुने उनले अनुमान गरे ।

‘यदि नेमार फर्कन्छने भने त्यसले सबैलाई खुसी लाग्नेछ । तर हरेक वर्ष मेस्सीको पारिश्रमिकलाई भने बढाउनुपर्ने हुन्छ,’ उनले भने,‘ यदि मेस्सी छन् भने हामी दुई गोल थप गर्न स्क्छौं र खेल जित्न सक्छौं ।’

ब्राजिलियन सुपर स्टार नेयमार स्पेन फर्कने चर्चा निकै लामो समयदेखि चलिरहेको छ । उनी आफै पनि पेरिस सेन्ट जर्मेन (पिएसजी) मा खुसी नहरेको बताइएको छ ।

विश्व कीर्तिमानी रकम २ सय २२ मिलियन युरोमा नेयमार दुई वर्षअघि बार्सिलोनाबाट पिएसजी पुगेका थिए । यता मेस्सीको बार्सिलोनासँगको सम्झौता सन् २०२१ सम्मह रहेको छ । उनलाई क्लबले आजीवन सम्झौता गर्न चाहेको छ ।