5 years ago
August 25, 2019
एजेन्सी – आयोजक भारत र बंगलादेशले कलकत्तामा जारी साफ यू-१५ च्याम्पियनसिपअन्तर्गत आइतबारको खेलमा फराकिलो जित दर्ता गरेका छन् ।
कल्याणी रंगशालामा भएको पहिलो खेलमा बंगलादेशले श्रीलंकालाई ७-१ को फराकिलो अन्तरले पराजित गरेको हो । बंगलादेशको जितमा मोहमद रहमान एक्लैले ४ गोल गरे । अल मिराद, रकिबुल इस्लाम र रब्बीले १-१ गोल थप्दा श्रीलंकाका लागि इशान मिरानले सान्त्वना गोल गरे ।
दिनको दोस्रो खेलमा भारतले भुटानलाई ७-० ले पराजित गर्यो । पहिलो हाफमा नै ४ गोल गरेको भारतका लागि श्रीदार्थ नोङमेकपाम र टाइसन सिंहले २-२ गोल गरे । सिंगसन पाओगुमाङ, रेनेडी युम्नाम र आइज्याक जोमुआन्पाईले १-१ गोल थपेपछि भारतले सहज जित दर्ता गरेको हो ।
यस नतिजासँगै भारत र बंगलादेशले समान २ खेलमा २ जितसँगै ६ अंक जोडेका छन् । गोल अन्तरको आधारमा भारत शीर्षस्थानमा छ । श्रीलंका र नेपालले १-१ जित दर्ता गर्दा भुटान जितविहिन रहेको छ । नेपालले पहिलो खेलमा भारतसँग ५-० को हार बेहोरेपछि श्रीलंकालाई २-० ले पराजित गरेको थियो ।
May 10, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार भएका खेलमा बागमती युथ क्लब र पुल्चोक स्पोर्ट्स क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा बागमतीले रानीवन स्पोर्ट्स क्लब विरुद्ध ३-१ को जित दर्ता गर्यो । बागमतीको जितमा दिपेश राईले दुई गोल तथा सृजन राज गौतमले एक गोल गरे […]
May 10, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल अखदुद विरुद्ध ३-२ को जित दर्ता गरेको हो । खेलको सातौं मिनेटमा अली अल हसनको पासमा गोल गर्दै मार्सलो ब्रोजोभिचले अल नासरलाई अग्रता दिलाएका थिए । सो अग्रता १५औं मिनेटमा क्रिस्टियानो रोनाल्डोले अल हसनकै पासमा दोब्बर बनाए […]
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]