काठमाडौं (हाम्रो खेलकुद) – नेपाल खेलकुद पत्रकार मञ्चले आज भएको मैत्रीपूर्ण खेलमा गोरखा ब्रुअरी लाई हराएको छ । फ्रान्समा आजबाट सुरु हुने युरोपियन च्याम्पियनसिपको सन्दर्भ पारेर गोखरा ब्रुअरीले मैत्रीपूर्ण फुटबल खेलको आयोजना गरेको थियो । हलचोकस्थित सशस्त्र प्रहरीको मैदान भएको खेलमा मञ्च ४–२ ले विजयी भएको थियो ।
मैत्रीपूर्ण खेलपछि गोरखा ब्रुअरी र नेपाल खेलकुद पत्रकार मञ्चका खेलाडी ।
खेल पत्रकारको टोलीको जितमा सुवास हुमागाईले पेनाल्टीसहित दुई तथा आयुष खड्का र आदर्श ढकालले एक–एक गोल गरे । गोरखा ब्रुअरीका लागि निर्भिक प्रधान र शिखर श्रेष्ठ गोल फर्काए । इङ्लिस क्लब लिभरपुलको प्रायोजक रहेको काल्सबर्ग युरोपियन च्याम्पियनसिपको अफिसियल बियर हो । नेपालमा गोरखा ब्रुअरी काल्र्सबर्गको आधिकारिक विक्रेता हो ।
गोरखा ब्रुअरीका मार्केटिङ मेनेजर बैभव शर्माले भने,‘युरोको माहोल बढाउनका लागि हामीले मैत्रीपूर्ण खेल आयोजना गरेका हौं ’ युरो कप २०१६ को उद्घाटन खेलमा राती १२ः४५ बजे आयोजक फ्रान्सले रोमानियाको सामना गर्दैछ ।
मैत्रीपूर्ण खेल जितेपछि नेपाल खेलकुद पत्रकार मञ्चका खेलाडी ।
