बोर्डो – वेल्सले स्लोभाकियालाई २–१ ले पराजित गर्दै समुह ‘बी’को पहिलो खेलमा तिन अंक जोडेको छ ।
१९५८ को विश्वकप पछि कुनै पनि ठूलो प्रतियोगिता खेलिरहेको वेल्सका लागि रियाल मड्रिडका गेराथ बेलले गोल गरेका थिए ।१० औं मिनेटमा झन्डै ३० यार्ड टाढाबाट फ्रिकिकमा बेलले गोल गरेका थिए । दोस्रो हाफमा वैकल्पिक खेलाडीको रुपमा मैदान प्रवेश गरेका ओन्दे्रज डुडाको गोलबाट स्लोभाकिया खेलमा फर्केको थियो । ६१ औं मिनेटमा डुडाले रोर्बेट माकको पासमा गोल गरेका थिए ।
तर खेल सकिन ९ मिनेट बाँकी रहँदा हल रब्सन कानुले आरोन रामसेको पासमा गोल गर्दै वेल्सलाई जित दिलाए । उनी ७२ औं मिनेटमा विलियम्सको ठाँउमा मैदान प्रवेश गरेका थिए ।
यसअघि शनिबारै भएको अर्को खेलमा स्विट्जरल्यान्डले अल्बानियालाई १-०ले पराजित गर्यो। समुह ‘ए’को पहिलो चरणको खेल सकिएसंगै आयोजक फ्रान्स र स्विस टोलीको समान तिन अंक रहेको छ।
