काठमाडौं (हाम्रो खेलकुद)– राष्ट्रिय फुटबल टोली मैत्रीपूर्ण खेलका लागि आइबार म्यानमार प्रथान गरेको छ । नेपाल र म्यानमारबीच बिहीबार मैत्रीपूर्ण खेल हुँदैछ । मंसिर ३ गते दशरथ रंगशालामा कुवेतविरुद्ध हुने विश्व कप छनोटको खेलको तयारीका क्रममा रहेको नेपाली टोली मैत्रीपूर्ण खेलका लागि म्यानमार गएको हो ।

अखिल नेपाल फुटबल संघ (एन्फा) का अध्यक्ष कर्मा छिरिङ शेर्पा, महासचिव इन्द्रमान तुलाधर लगायतले टोलीको विदाई गरेका थिए । गत महिना जोर्डनविरुद्ध भएको विश्व कपको छनोटमा रहेको टोलीका ४ खेलाडी यसपटक टोलीमा छैनन् ।

नियमित कप्तान किरण चेम्जोङ, रोहित चन्द, विशाल राई र हेमन गुरुङ यसपटक २३ सदस्यीय टोलीमा छैनन् । भरत खवासले ६ महिना भन्दा लामो समयपछि राष्ट्रिय टोलीमा पुनरागमन गर्दा गोलकिपर एलेन न्यौपाने पनि टोलीमा स्थान बनाएका छन् । सुवास गुरुङ र मिछेन तामाङ पहिलो पटक टोलीमा समेटिएका छन् ।

नेपाली फुटबल टोली

गोलकिपर –विकेश कुथु, बिशाल श्रेष्ठ, एलान न्यौपाने

रक्षक – सरोज दाहाल,अजित भण्डारी, दिनेश राजवंशी, अनन्त तामाङ, दवेन्द्र तामाङ, रजिन धिमाल, सुमन आर्यल

मिडफिल्ड – सुनिल बल, रवि पासवान, अञ्जन बिष्ट, सुजल श्रेष्ठ, विक्रम लामा, तेज तामाङ, सन्तोष तामाङ, सुवास गुरुङ, मिछेन तामाङ

फरर्वाड – भरत खवास, विमल घर्तीमगर, अभिषेक रिजाल, नवयुग श्रेष्ठ

प्रशिक्षक – योहान कालिन (मुख्य), किरण श्रेष्ठ (सहायक)

व्यवस्थापक –मधुसुदन उपाध्याय