एजेन्सी – स्पेनका लागि सर्वाधिक गोल गर्ने खेलाडी डेभिड भिल्लाले यो वर्षको अन्त्यपछि फुटबलबाट सन्यास लिने घोषणा गरेका छ । जापानी क्लब भिसेल कोबेसँग यो वर्षको अन्त्यमा सन्यास लिने घोषणा गरेका हुन् ।

भ्यालेन्सिया, बार्सिलोना, एट्लेटिको म्याड्रिडका ३८ वर्षे पूर्व स्ट्राइकरले आफनो खेल जीवनमा निकै गोल गरे, कीर्तिमान बनाए र उपाधि जिते । सिडी टुल्लाबाट खेल जीवन सुरु गरेको भिल्ला त्यसपछि स्पोर्टिङ गिजोन पुगे । खेल जीवनमा रियल जारागोजा, भ्यालेन्सिया हुँदै बार्सिलोना पुगेपछि भने उनको खेल जीवनले उचाईलिएको थियो ।

उनले त्यहाँ थ्रुपै उपाधि जिते भने टोलीो महत्वपूर्ण खेलाडी रहे । बार्सिलोना छाडेर उनी २०१३ १४ को सिजनमा एट्लेटिो पुगेका थिए । त्यसपछि युरोपियन फुटबललाई बिट मार्दै उनी अमेरिकाको न्यूयोर्क सिटी एफसीमा आबद्ध भए । त्यसपछि उनी एसियाली मुलुक जाने क्रममा जापानीज क्लबमा आबद्ध भए ।

अन्तर्राष्ट्रिय फुटबलमा भिल्लाले स्पेनका लागि सन् २००८ युरोपियन च्याम्पियनसिप जितेका थिए । त्यसको दुई वर्षपछि २०१० मा स्पेनले पहिलो पटक विश्व कप जित्दा पनि उनी टोलीका महत्वपूर्ण सदस्य थिए । स्पेनका लागि सर्वाधिक गोलकर्तामा अहिले सम्म कसैले उछिन्न सकेको छैन । उनले देशका लागि ५९ गोल गरेका थिए ।