4 years ago
November 23, 2019
एजेन्सी – स्टार फरवार्ड नेयमारले पूनरागमन गरेको खेलमा पेरिस सेन्ट जर्मेन (पीएसजी) ले फ्रेन्च लिग वानमा सहज जित निकालेको छ । शुक्रबार राति भएको अदेमा पीएसजीले लिलमाथि २–० को सहज जित निकालेको हो ।
घरेलु मैदानमा पीएसजीलाई जिताउन माउरो इकार्डी र एन्जड डि मारियाले गोल गरे । पहिलो हाफमा नै दुवै गोल सम्भव भएको थियो ।
खेलको १७औं मिनेटमा इकार्डीले गोल गर्दै पीएसजीलाई अग्रता दिलाए । उनले जुलियन ड्राक्सलरको पासमा गोल गरे । इकार्डीको यो फ्रेन्च लिग वानमा सात (पछिल्ला १०) खेलमा छैटौं गोल हो । उनले पछिल्लो समय उच्च प्रदर्शन गरिरहेका छन् ।
३१औं मिनेटमा एन्जल डि मारियाले ड्राक्सलरको पासमा गोल गर्दै अग्रता दोब्बर पारे । दोस्रो हाफमा पनि पीएसजीले लिललाई दवावमा राखेको थियो । तर, गोल भने गर्न नसक्दा पहिलो हाफको दुइ गोल नै पीएसजीको जितमा पर्याप्त बन्यो ।
यही खेलबाट नेयमारले खेलमा पूनरागमन गरे । ह्यामस्ट्रिङका कारण नेयमार अक्टोवर ५ देखि टोली बाहिर रहँदै आएका थिए । उनले लिलविरुद्धको खेलमा ६४ मिनेट मैदान बिताएका थिए । उनलाई अर्का फरवार्ड केलियन एमबाप्पेले विस्थापन गरेका थिए ।
जितसँगै पीएसजीले १४ खेलबाट ३३ अंक जोडेर शीर्षस्थानलाई थप मजवुत बनाएको छ । पीएसजीले दोस्रो स्थानको मार्सेलीलाई ११ अंकले पछि पारेको छ । लिल १९ अंकसहित सातौ स्थानमा छ ।
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]