default_image

1 week ago

May 9, 2024

न्यु होराइजनलाई यु १४ क्रिकेट उपाधि

198 views

0 Bookmark

सुमन अधिकारी,बुटवल

न्यु होराइजन बोर्डिङ स्कुलले जेट नेपाल यु १४ टि ट्वान्टी क्रिकेट च्याम्पियनसिपको उपाधि जितेको छ । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा रुपन्देहीमा भएको प्रतियोगिताको फाइनलमा पूर्व राष्ट्रिय खेलाडी शक्ति गौचनले प्रशिक्षण गरेको न्यु होराइजनले बुद्ध पब्लिक स्कुल, देवदहलाई ३ विकेटले हराउँदै उपाधि जितेको हो ।

जितका लागि ७९ रनको लक्ष्य पाएको न्यु होराइजनले १३ ओभरमा ७ विकेट गुमाउदै पूरा गरेको थियो । टोलीका लािग जित दिलाउन अमित यादवले ११ बलमा २ चौका र २ छक्कामा सर्वाधिक २३ रन बनाए ।

अनिश भट्टराईले नटआउट २१ रन जोडे । सुजल भट्टराईले १६ बनाए । होराइजनका ३ खेलाडी खातै नखोली आउट भएका थिए । बुद्ध पब्लिककाका रोशन कुवरले ३, रोहित कुँवर, शुभम पौडेल र प्रिन्स शर्माले १/१ विकेट लिएका थिए ।

त्यसअघि टस जितेर व्याटिङगरेको बुद्ध पब्लिकले १६.३ ओभरमा ७८ रन बनाए । टोलीका विनय कार्किले सर्वाधिक २० बनाए । आकाश न्यौपाने र कृष्ण केसीले समान १४ रन जोडे । अन्य ब्याटरले दोहोरो अंकमा रन बनाउने सकेनन् । न्यु होराइजनका बलर कृष्ण पन्थीले ४, अरुणकुमार नाउले ३ विकेट लिएका थिए ।

न्यु होराइजनका कृष्ण पन्थी फाइनलको प्लेयर अफ दी म्याच चुनिए । प्रतियोगितामा रुपन्देही जिल्लाका ८ टोलीको सहभागिता थियो । आयोजक क्लबका अध्यक्ष भुवन पाण्डेले ग्रास रुटबाट क्रिकेटको विकास गर्ने लक्ष्यसहति प्रतियोगिता आयोजना गरेको बताए । यु १९ राष्ट्रिय टोलीका कप्तान देव खनाल प्रतियोगिता आयोजक क्लबको उत्पादन हुन् ।

न्यु होराइजनले उपाधिसहित २१ र बुद्ध पब्लिकले ११ हजार रुपैयाँ प्राप्त गर्यो । बुटवल उपमहानगरपालिकाका प्रमुख खेलराज पाण्डे, लुम्बिनी क्रिकेट संघका सचिव संजय गुरुङ, क्यानका पूर्व कार्यवहाक सचिव प्रशान्त मल्ल लगायतले विजेता, उपविजेता टोलीका खेलाडीलाई पुरस्कृत गरे ।

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

May 18, 2024

एपिएफ अपराजित रहँदै च्याम्पियन 

काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]

May 17, 2024

सुदुरपश्चिम ललितपुर मेयर्स कपको फाइनलमा

काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]

Success

Thank you for your time.