काठमाडौं (हाम्रो खेलकुद) – पहिलो खेलमा बंगलादेशलाई स्तब्ध पारेको भुटानले १३ औं दक्षिण एसिायली खेलकुद (साग) पुरुष फुटबलमा बिहीबार माल्दिभ्सलाई पराजित गरेको छ । यस जितसँगै शीर्षस्थानमा उक्लिएको भुटान पहिलो पटक साग फुटबलको फाइनलनजिक पुगेको छ ।

दशरथ रंगाशालमा भएको खेलमा भुटानले माल्दिभ्सलाई २-१ ले पराजित गर्दै फाइनलनजिक पुगेको हो । पहिलो हाफ बराबरीमा सकिएको भुटानले दोस्रो हाफमा दुई गोल गर्दै ऐतिहासिक फाइनलमा पुगेको हो । भुटानलाई खेलको ५५ औं मिनेटमा गोल छिमी दोर्जेले गोल गर्दै अग्रता दिलाएका थिए ।

भुटानलाई फुब थिन्ले ८४ औं मिनेटमा गोग गर्दै २-० को अग्रता गर्दै जित नजिक पुर्याएका थिए । माल्दिभ्सका लागि ९० औं गोलमा हमजा मोहम्मदले सान्त्वना गोल गरेका थिए । भुटानले पहिलो खेलमा बंगलादेशालाई १-० ले हराएको थियो । दोस्रो खेलमा भुटान नेपालसँग ४-० ले पराजित भएको थियो । अव भुटानलले अन्तिम खेलमा शनिबार श्रीलंकासँग खेल्नेछ ।

आजै हुने दोस्रो खेलमा बंगलादेशले श्रीलंकाको सामना गर्नेछ । शुक्रबार प्रतियोगिताका कुनै खेल हुने छैनन् । अंक तालिकामा भुटानले ३ खेलमा ६ अंक जोड्दा नेपालले २ खेलमा ४ अंक जोडेको छ । श्रीलंका र माल्दिभ्सले २-२ अंक जोड्दा बंगलादेशको १ अंक मात्र छ ।