सहिद स्मारक ‘सी’ डिभिजन लिग २०७३को उपाधि जित्दै श्री भगवती क्लब, टोखाले आगामी सिजन बि डिभिजन लिग खेल्ने पक्का गरेको छ|
आज एन्फा कम्प्लेक्समा भएको खेलमा चढ्ने प्रयासमा रहेको मनोहरा एकीकृत युथ क्लबलाई २-०ले हराऊँदै भगवतीले उपाधि पक्का गरेको हो| दिनको पहिलो खेलमा बिरगंज युथ एकेडेमीलाइ २-१ले हराउँदै झम्सिखेल युथ क्लबले पनि दोश्रो हुदैं बि डिभिजनको यात्रा तय गर्यो|
जितसंगै श्री भगवतीले ३ लाख र झम्सिखेलले १ लाख पचास हजार हात पारे| तेश्रो स्थानको बिरगंज र चौठो स्थानको मनोहराले ५० र २५ हजारमा चित्त बुझाए|
भगवतीका प्रशिक्षक बिकाश गौचन सर्वोत्कृष्ट प्रशिक्षक भए भने भगवातिकै सुजित बुढाथोकी सर्वोत्कृष्ट मिडफिल्डर चुनिए| मनोहराका सविन खड्काले सर्वोत्कृष्ट डिफेन्डर, बिरगंजका जयराम चौधरीले सर्वोत्कृष्ट गोलरक्षक र झाम्सिखेलका बिकाश लामाले सर्वोत्कृष्ट फरवार्ड उपाधि जिते|
