4 years ago
December 12, 2019
काठमाडौं (हाम्रो खेलकुद) – शहिद स्मारक ए डिभिजन लिग फुटबल प्रतियोगितालाई कतार एयरवेजले मुख्य प्रायोजन गर्ने भएको छ । काठमाडौंमा आज पत्रकार सम्मेलन गरि आयोजक अखिल नेपाल फुटबल संघ (एन्फा)ले कतार एयरवेजसँगको सम्झौताबारे जानकारी दिएको हो । सम्झौताअनुसार कतार एयरवेजले एन्फालाई एक लाख पचास हजार अमेरिकी डलर प्रदान गर्ने छ । चरणमा ९० हजार र […]
काठमाडौं (हाम्रो खेलकुद) – शहिद स्मारक ए डिभिजन लिग फुटबल प्रतियोगितालाई कतार एयरवेजले मुख्य प्रायोजन गर्ने भएको छ । काठमाडौंमा आज पत्रकार सम्मेलन गरि आयोजक अखिल नेपाल फुटबल संघ (एन्फा)ले कतार एयरवेजसँगको सम्झौताबारे जानकारी दिएको हो ।
सम्झौताअनुसार कतार एयरवेजले एन्फालाई एक लाख पचास हजार अमेरिकी डलर प्रदान गर्ने छ । चरणमा ९० हजार र दोस्रो चरणमा ६० हजार अमेरिकी डलर प्रदान गर्ने छ । यसवापत एन्फाले हरेक सहभागी टोलीको जर्सीमा कतार एयरवेजको लोगो अंकित प्याच लगाउनुपर्ने, लिगको नामको अगाडी प्रायोजकको नाम राख्नुपर्ने लगायत अन्य प्रचार प्रसारको कार्यमा सहयोग गर्नुपर्ने उल्लेख छ ।
मंसिर २८ देखि सुरु हुने ए डिभिजन लिगमा कुल १४ क्लबको सहभागिता रहने छ । नियमअनुसार लिगको पुछारमा रहने एक टोली घटुवा हुने छ । लिग सञ्चालनको लागि कुल ६ करोड ३० लाख खर्च लाग्ने एन्फाले जनाएको छ । सहभागी सबै क्लबलाई एन्फाले तयारीको लागि २०-२० लाख प्रदान गर्ने छ ।
लिगको विजेताले ५० लाख, दोस्रोले ३५ लाख, तेस्रोले २५ लाख, चौथोले १५ लाख, पाँचौले ७ लाख र छैटौं स्थानमा रहने टोलीले ५ लाख प्राप्त नगद प्राप्त गर्ने छन् । म्याच मनिका रुपमा हरेक खेलको विजेता टोलीले ५० हजार प्राप्त छ । खेल बराबरीमा रोकिएमा १५-१५ हजार प्रदान गर्ने एन्फाले जनाएको छ ।
प्रतियोगितामा उत्कृष्ट ५ स्ट्राइकर, मिडफिल्डर, डिफेन्स, गोलकीपर र प्रशिक्षकले १ लाख ५० हजार प्राप्त गर्ने छन् । प्रत्येक खेलको म्यान अफ दी म्याचलाई १० हजार र प्रतियोगिताको फेयर प्ले टिमले १ लाख पाउने छ ।
एन्फाले यसअघि रामसार मिडिया र एपीवन टेलिभिजनसँग गरिएको ३ वर्षे प्रसारण र मार्केटिङ सम्झौता आपसी समझदारीमा खारेज गरिएको जानकारी दिएको छ । यससँगै प्रसारण अधिकारबारे पनि नयाँ टेलिभिजनसँग छलफल जारी रहेको एन्फाले जनाएको छ ।
लिगको खेल हेर्न दर्शकले साधारण प्याराफिटतर्फ २ सय र भीआईपीतर्फ ५ सय रुपैयाँ तिर्नुपर्नेछ । यसपटक देखि दर्शकहरुको प्रवेशका निम्ति उत्तर गेटको मात्र प्रयोग गरिने एन्फाले जनाएको छ । लिगको उद्घाटन शनिबार दशरथ रंगशालामा हुँदैछ । उद्घाटन खेलमा मछिन्द्र क्लब र ब्रिगेड ब्वाइज क्लब आमनेसामने हुँदैछन् । खेल दिउँसो ३ बजे हुनेछ ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]