काठमाडौं (हाम्रो खेलकुद) – राष्ट्रिय फुटबल टोलीका कप्तान विराज महर्जनको कप्तानीमा अत्यधिक संख्यामा राष्ट्रिय खेलाडी समेट्दै मछिन्द्रले ए डिभिजन लिगका लागि टोली घोषणा गरेको छ ।

विराजसँगै साग स्वर्ण पदका जित्ने यू-२३ टोलीका कप्तान सुजल श्रेष्ठ, यू-१९ टोलीका कप्तान रेजिन सुब्बा लगायत झन्डै एक दर्जन राष्ट्रिय टोलीका खेलाडी रहेका छन् । प्रशिक्षकमा पूर्व खेलाडी तथा ए लाइसेन्स प्राप्त प्रवेश कटुवाल रहेका छन् । टोलीमा सागमा उत्कृष्ट प्रदर्शन अभिषेक रिजाल पनि रहेका छन् ।

यसबाहेक मिडफिल्डर विशाल राई, हेमन गुरुङ, योगेश गुरुङ तथा डिफेन्डर रंजित धिमाल, देवेन्द्र तामाङ, विजय धिमाल लगायत खेलाडी पनि छन् । घरेलु फुटबलमा अनुभव बोकेका बुद्ध चेम्जोङ र दीपक राई पनि मछिन्द्रकै जर्सीमा देखिने छन् । गोलरक्षकमा मनाङबाट गत सिजन खेलेका विशाल श्रेष्ठ र सूर्य अधिकारी रहेका छन् । मनाङबाटै खेलेका विदेशी खेलाडी आदेलाजा सोमीडे र थ्री स्टारबाट खेलेका पिटर सेगुन पनि मछिन्द्रमा छन् । प्रशिक्षक प्रवेश कटुवालले स्टार खेलाडीहरु टोलीमा रहेपनि टोलीको सन्तुलनमा असर नपर्ने गरि टोलीको छनोट हुने बताए ।

क्लबले यस लिग सिजनका लागि झन्डै साढे २ करोड खर्च हुने अनुमान गरको छ । जसमध्य करिब १ करोड खेलाडी अनुबन्धनमा खर्च गरिएको क्लबले जानेको छ । क्लबलाई सान मिगेलले मुख्य प्रायोजन गरेको छ । क्लबले एक वर्षका लागि सम्झौता गरेको छ ।  यससँगै केल्मी, पेपे पिजा, ३६१ डिग्री लगायत संस्थाले पनि क्लबलाई साथ दिनेछन् ।

खेलाडीको नामावली :

अभिषेक रिजाल

विजय धिमाल

विराज महर्जन

विश्रल राई

विशाल श्रेष्ठ

बुद्ध चेम्जोङ

देवेन्द्र तामाङ

दीपक राई

हेमन गुरुङ

रेजिन सुब्बा

रन्जित धिमाल

सुजल श्रेष्ठ

सूर्य अधिकारी

योगेश गुरुङ

पिटर सेगुन

आदेलाजा सोमीडे

आन्द्रेस निया