4 years ago
December 13, 2019
काठमाडौं (हाम्रो खेलकुद) – दशरथ रंगशालामा नेपाल निलो र जापान फुटबल लिगको यू-२२ टोलीबीचको मैत्रीपूर्ण खेलमा जापानी टोली ४-० ले विजयी भएको छ । खेलको पहिलो हाफमा १ गोलको अग्रता लिएको जापानले दोस्रो हाफमा ३ गोल थपेको थियो । मासाहिको सुगिताको गोलमा जापानले अग्रता लिएको थियो । ४९ औं मिनेटमा उनैले अग्रता दोब्बर पारे । […]
काठमाडौं (हाम्रो खेलकुद) – दशरथ रंगशालामा नेपाल निलो र जापान फुटबल लिगको यू-२२ टोलीबीचको मैत्रीपूर्ण खेलमा जापानी टोली ४-० ले विजयी भएको छ ।
खेलको पहिलो हाफमा १ गोलको अग्रता लिएको जापानले दोस्रो हाफमा ३ गोल थपेको थियो । मासाहिको सुगिताको गोलमा जापानले अग्रता लिएको थियो । ४९ औं मिनेटमा उनैले अग्रता दोब्बर पारे । सतोशी सुनोमाताले गोल गर्दै जापानी टोलीको अग्रता फराकिलो पारे । तोशिकी सासाकीले ७४ औं मिनेटमा गोल गर्दै जित पक्का गरे ।
हाल राष्ट्रिय टोलीमा नरहेका खेलाडी समेटेर बनाइएको नेपाल निलो टोलीको कप्तानी भोला सिलवालले गरेका थिए । मेघराज केसी प्रशिक्षक रहेको टोलीमा गोलरक्षक अर्पण कार्की रहेका थिए । डिफेन्समा अजित भण्डारी, विजय धिमाल र छिरिङ गुरुङ खेलेका थिए ।
मिडफिल्डर हेमन्त थापामगर, रुपेश केसी, लक्ष्मण रुचाल र सुवास गुरुङ रहेका थिए । आक्रमणमा सुमन लामा र रवी पासवान थिए । दोस्रो हाफमा मनिष थापा, प्रकाश बुढाथोकी र बुद्ध चेम्जोङ वैकल्पिक खेलाडीको रुपमा मैदान छिरेका थिए ।
जापानी टोलीले अब दोस्रो मैत्रीपूर्ण खेलमा लिग च्याम्पियन मनाङको सामना गर्नेछ । त्यसअघि ए डिभिजन लिगको पहिलो खेलमा शनिबार मछिन्द्र क्लब र ब्रिगेड ब्वाइज क्लब (बीबीसी) खेल्नेछन् ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]