पेरिस (एजेन्सी)-रो कपको राउण्ड अफ १६ मा इङ्ल्याण्डलाई हराउदै आइसल्याण्ड प्रतियोगिताको क्वाटर फाइनल पुगेको छ भने इङ्ल्याण्ड प्रतियोगिताबाट बाहिरिएको छ ।
इङ्ल्याण्डको अग्रतामा खेलमा पछी परेको आइसल्याण्डले खेलमा फर्किदै २-१ को नतिजाले आफ्नो प्रतिश्प्रधीलाई आश्चर्य पारेको हो ।
आइसल्याण्डका गोल किपरले रहिम स्टेर्लिङलाई लाडाउदा पाएको पेनाल्टीमा रुनीले गोल गर्दै इङ्ल्याण्डले खेलको चौथो मिनेटमा नै अग्रता लिएको थियो तर त्यो अग्रताको खुशी छोटो समय सम्म मात्र टिक्न सक्यो । र्याग्नर सिगुर्डसनले लामो थ्रोबाट पाएको बललाई सदुपयोग गर्दै आइसल्याण्डलाई छैटौ मिनेटमा नै खेलमा फर्क्याए । त्यस्तै २०औ मिनेटमा कोल्बैन सिगोर्थ्सनको गोलमा आइसल्याण्डले खेलमा अग्रता लियो ।
दोस्रो हाल्फमा खेलमा फर्किने आशामा रोय हड्सनले विलशिएर र भार्डीलाई खेलमा ल्याए पनि इङ्ल्याण्डले बलियो मौका सिर्जना गर्न सकेन । खेलको अतिरिक्त समयमा भार्डी गोलको नजिक पुगे पनि स्टुरिजको पासमा गरेको हेडर ब्लक भएपछी इङ्ल्याण्ड प्रतियोगिताबाट बाहिरिन बाध्य भयो ।
