8 years ago
June 30, 2016
फ्रान्समा जारी युरो २०१६ अन्तर्गत क्वार्टरफाइनल चरणको पहिलो खेलमा पोर्चुगल र पोल्यान्ड भिड्दै छन्। नेपाली समयानुसार राती १२:४५ बजे हुने खेलमा दुवै टोली सेमिफाइनलमा स्थान बनाउन आतुर त छन् नै, त्यसैमाथि दुवै टोलीका फरवार्ड एवं उत्कृष्ट दुई खेलाडी आफ्नो साख बचाउने लडाईंमा उत्रदैं छन्। बायर्न म्युनिखबाट व्यवसायिक फुटबल खेल्दै गत सिजन बुन्डेसलिगाको उच्च गोलकर्ता रहि […]
फ्रान्समा जारी युरो २०१६ अन्तर्गत क्वार्टरफाइनल चरणको पहिलो खेलमा पोर्चुगल र पोल्यान्ड भिड्दै छन्।
नेपाली समयानुसार राती १२:४५ बजे हुने खेलमा दुवै टोली सेमिफाइनलमा स्थान बनाउन आतुर त छन् नै, त्यसैमाथि दुवै टोलीका फरवार्ड एवं उत्कृष्ट दुई खेलाडी आफ्नो साख बचाउने लडाईंमा उत्रदैं छन्।
बायर्न म्युनिखबाट व्यवसायिक फुटबल खेल्दै गत सिजन बुन्डेसलिगाको उच्च गोलकर्ता रहि विभिन्न इतिहास रचेका रोबर्ट लेवान्डोस्किका लागि जारी प्रतियोगिता बिर्सनलायक रहेको छ। पोल्यान्डले खेलेको चारै खेलमा सहभागिता जनाएका उनले कुनै गोल गर्न सकेका छैनन् र प्रदर्शन पनि खासै सन्तोषजनक रहेको छैन। राष्ट्रकै अहिलेसम्मकै उत्कृष्ट खेलाडीको रुपमा हेरिदैं आएका रोबर्ट यस महत्त्वपुर्ण खेलमा राम्रो प्रदर्शन गर्दै लयमा फर्कन चाहन्छन्।
उता चौथो पटक बेलोन डि’ओरको उपाधि जित्ने लक्ष्य लिएर प्रतियोगितामा होमिएका पोर्चुगलका कप्तान क्रिस्टियानो रोनाल्डोको पनि प्रदर्शन आशातित रहेको छैन। चार खेलमा दुइ गोल गरेका रोनाल्डोले दुवै गोल हंगेरि विरुद्धको ३-३ बराबरीको खेलमा गरेका थिए। हालसम्म एकमात्र जित हासिल गर्न सकेको पोर्चुगलका लागि रोनाल्डोले राम्रो प्रदर्शन गर्नुपर्ने दवाव रहेको छ।
दुवै टोलीले प्रि-क्वार्टरफाइनलका खेलमा झिनो अन्तरले जित हात पारेका थिए। पोल्यान्डले स्विट्जरल्यान्डलाई पेनाल्टिमा हराएको थियो भने पोर्चुगलले क्वारेज्माको ११७औं मिनेटको गोलको मद्दतले क्रोएसियालाई पाखा लगाएको थियो। पोल्यान्डको १-१ बराबरीमा ज्याकुब ब्लाजिकोस्किले गोल गरेका थिए भने स्विस टोलीका लागि जर्डान साकिरिले सम्भवत: युरो इतिहासकै सर्वोत्कृष्ट गोल गर्दै खेललाई टाइब्रेकरतर्फ धकेलेका थिए।
आजको खेलको विजेताले सेमिफाइनलमा वेल्स र बेल्जिएमबिचको क्वार्टरफाइनल खेलको विजेतासंग खेल्नेछ
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]