स्पेन (एजेन्सी) – हाल पिएसजि जान सक्ने चर्चा चल्दा बार्सिलोनाले नेमारले आफ्नो भविष्य बार्सिलोनामा समर्पण गरेको कुरा सार्वजनिक गरेको छ ।
पत्रकार सम्मेलनमा बोल्दै बार्सिलोनाका अध्यक्ष जोसेप मारिआ बार्टोमेउले नेमार बार्सामा नै बस्न चाहेको र उनलाई थप ५ बर्ष बार्सामा राख्ने नयाँ सम्झौता मा कलम चलाउने तयारी हुँदै गरेको बताएका छन ।
२०१३ मा बार्सिलोनासँग आबद्द भएका नेमारलाई फ्रान्सको पिएसजि र हाल म्यान्चेस्टर युनाइटेडले ताकेको कुराहरु आगाडी आउँदा नेमारको प्रतिबद्धताले उनि बार्सिलोनामा बस्ने कुरालाई थप सार्थकता दिलाएको छ ।
