बेल्जियम र वेल्सबिच हुने क्वार्टरफाइनल खेलमा बेल्जियमका दुइ भरपर्दा डिफेन्डर उपस्थित नहुने पक्का भएको छ।
टोटेन्हम हट्स्परबाट व्यावसायिक फुटबल खेल्ने यान भर्टोङ्घन र बार्सिलोनाका थोमस भर्मालेन वेल्सविरुद्ध नखेल्ने जानकारी प्रशिक्षक मार्क विल्मंट्सले दिए। प्रशिक्षणका दौरान कुर्कुच्चामा चोट बोकेपछि भर्टोङ्घन अब युरोमा उपलब्ध नहुने पक्का भएको छ। उनि छ देखि आठ हप्तासम्म खेलमैदानबाट बाहिर रहने पनि प्रशिक्षक विल्मंट्सले जानकारी दिए।
उता दोहोरो पहेंलो कार्डका कारण यसअघीनै प्रतिबन्धित भएका भर्मालेन भने टोलीले जित हासिल गरेमा पोर्चुगल विरुद्ध हुने सेमिफाइनल खेलका लागि उपलब्ध हुनेछन्।
बेल्जियमले यी दुइ खेलाडीको स्थानमा म्यानचेस्टर सिटिका जेसन डीनाएर र रोमेलु लुकाकुका भाइ जोर्डन लुकाकुलाइ खेलाउने सम्भावना देखिएको छ।
