बार्सिलोना छाडेर अन्यत्र जाने हल्ला चलिरहेको अवस्थामा नेयमारले बार्सीलोनासंगको अनुबन्धन बढाएर सम्पुर्ण हल्लालाई पाखा लगाएका छन्।

उनलाई आफ्नो टोलीमा सामेल गर्न म्यानचेस्टर युनाइटेड र पेरिस सेन्ट जर्मेनले योजना बनाइरहेको युरोपका पत्रिकाहरुले जानकारी दिएका थिए। २४ वर्षिय नेयमारले २०१३मा बार्सीलोना आएदेखि ९३ लिग खेल खेल्दै ५५ गोल गरिसकेका छन्। बार्सीलोनाले आजै नेयमारले क्लबसंग थप पाँच वर्षको लागि नयाँ अनुबन्धन गरिसकेको बताएको छ।

बार्सीलोनामा आवद्ध भएदेखि नेयमारले पाँच उपाधि जितिसकेका छन्। उनले दुई ला लिगा, दुई कोपा डेल रे र एक च्याम्पियन्स लिग जितेका हुन्।

राष्ट्रिय टोलीका लागि ७० खेल खेलिसकेका नेयमारले ४६ गोल गरेका छन्।