क्विक्स कप – जनज्योति, दुर्गा र ज्वालामुखी सेमिफाइनलमा

काठमाडौं (हाम्रो खेलकुद)– जनज्योति पब्लिक स्कुल, दुर्गा मावि र ज्वालामुखी मावि क्विक्स अन्तरविद्यालय छात्रा फुटबल प्रतियोगिताको सेमिफाइनलमा पुगेका छन् ।

सातदोबाटोस्थित एन्फा कम्प्लेक्सको मैदानमा बिहीबार भएको क्वार्टरफाइनलमा जनज्योति पब्लिक स्कुलले त्रिवेणीलाई १–० ले हराउँदै अन्तिम चारको यात्रा तय गरेको हो । दिक्षा खाणले २६ औं मिनेटमा गरेको गोल नै खेलको निर्णय बनेको थियो ।

सुनिता भ्लोनको २ गोलको मद्दतमा अर्को खेलमा दुर्गा माविले स्मृति बोर्डिङ स्कुललाई ३–१ ले हराएको थियो । सुनिताले आठौं र ३२ औं मिनेटमा गोल गरेकी थिइन् भने मन्दिरा राईले ४१ औं मिनेटमा गोल गरेकी थिइन् । अर्को खेलमा ज्वालामुखीले एकता जेम्स इङ्लिस एकेडेमीलाई ४–१ ले हराएको थियो ।

प्रतियोगिता अखिल नेपाल फुटबल संघ (एन्फा) को आयोजना तथा चौधरी ग्रुपको क्विक्सको प्रायोजनमा सञ्चालन भइरहेको छ । प्रदेशहरुका छनोट भइ आएका विद्यालयले अन्तिम चरणमा प्रतिस्पर्धा गरिरहेका छन् । छात्रातर्फको प्रतियोगिता भने यसअघि नै सम्पन्न भइसकेको छ ।

क्विक्स कप – जनज्योति, दुर्गा र ज्वालामुखी सेमिफाइनलमा

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल