पेरिस (एजेन्सि)
आयोजक राष्ट्र फ्रान्सले अन्तिम क्वार्टर फाईनल खेलमा आईस ल्याण्डलाई ५-२ले पराजित गर्दै सेमी फाईनलको यात्रा पक्का गरेको छ । अब सेमी फाईनलमा फ्रान्सले जर्मनीको सामना गर्ने छ ।
ईङल्याण्डलाई २-१ले पराजित गर्दै क्वार्टर फाईनल प्रवेश गरेको आईसल्याण्ड खेलको पहिलो हाल्फमै चार गोलले पछाडी परेको थियो । फ्रान्सको लागि खेलको १३औ मिनटमा जिरुड, २०औ मिनटमा, ४३औ मिनटमा पाएटले र ४५औ मिनटमा ग्रीजमनले गरेका थिए ।
पहिलो हाल्फमा ४-०ले पछी परेको आईसल्याण्डले दोस्रो हाल्फमा केहि राम्रो प्रदर्शन गरेको थियो । दोस्रो हाल्फको ११औ मिनटमा सिगथोर्सनले गोल गर्दै आईसल्याण्ड्को खाता खोलेको थिए । आईसल्याण्डको गोलको तीन मिनट पछीनै जिरुडले बेक्तिगत दोस्रो गोल गर्दै फ्रान्सको गोल संख्या ५ पुराए । खेलको अन्तिम गोल आईसल्याण्ड्का बिर्किरले गरेका थिए ।
