बार्सिलोना एवं अर्जेनटिनाका लियोनेल मेसीलाई स्पेनी अदालतले कर छली मुद्दामा २१ महिनाको जेल सजाय सुनाएको छ।
सजाय सुनाएपनि स्पपेवको कानुन अनुसार दुई वर्ष भन्दा कम सजाय भएको खण्डमा जरीवाना तिरेर सजाय माफ हुने भएकाले मेसी जेल जानु नपर्ने भएको छ।
स्पेनको एक अदालतले मेसीलाई उनको पितासहित कर छलीको मुद्दामा २१ महिनाको लागि जेल पठाउने फैसला गरेको हो । मेसी र उनका पितालाई समेत सोही कानुन लाग्ने भएकाले मेसीले जेल जानु नपर्ने भएको हो।
मेसी र उनका पिताले आर्थिक कारोबार गर्दा सन् २००७ र २००९को अवधिमा ४.१ मिलियन युरो बराबरको कर नतिरेको अभियोग छ।
मेसी र उनका पितामाथि तस्बिर र अन्य विज्ञापनबाट आएको पैसा कर छलेर विभिन्न ठाउँमा जम्मा गरेको आरोप छ । बयानका क्रममा भने मेसीले आरोप बारे आफूलाई केही जानकारी नभएको बताएका थिए।
