काठमाडौं (हाम्रो खेलकुद)– राष्ट्रिय टोली एवंम् एपिएफकी मिडफिल्डर अनिता बस्नेत सम्मिलित सेथु एफसी भारतीय (आई ) लिगमा मंगलबार पराजित भएको छ ।

कर्नाटक रंगशालामा भएको खेलमा साविक विजेता समेत रहेको सेथु क्रिप्सा एफसीसँग २–० ले पराजित भएको थियो । सेथुले लिगको सुरुवात भने जितबाट गरेको थियो । शुक्रबार भएको खेलमा साविक विजेता समेत रहेको सेथुले कोहलपुर सिटी एफसीलाई ५–० ले हराउँदै दमदार सुरुवात गरेको छ ।

सेथुमा अनिताको यो लगातार दोस्रो वर्ष हो । गत वर्ष उनीसँगै राष्ट्रिय टोलीकै फरवार्ड सावित्रा भण्डारीले पनि खेलेकी थिइन् । यसपटक सावित्रा भने गोकुलम केरेला एफसीबाट खेलिरहेकी छिन् ।

यसअघि गोकुलमले भने सावित्राको ५ गोलसँगै केन्क्रे एफसीलाई १०–१ ले हराएको थियो । सावित्रा खेलको हिरो अफ दी म्याच चुनिएकी थिइन् ।

फागुन २ गते सम्म चल्ने आइ लिगमा गत वर्ष जस्तै १२ टोलीको सहभातिगा रहनेछ । सहभागी टोलीलाई २ समूहमा विभाजन गरि राउन्ड रोविन लिग र त्यसमा शीर्ष २ मा पर्ने टोली सेमिफाइनलमा पुग्नेछन् ।

आई लिगको यो चौथो संस्करणको समूह एमा बारोडा फुटबल एकेडेमी, बिबिके एफसी, एफसी कोहलपुर सिटी, किक स्ट्राट एफसी र साविक विजेता सेथु छन् । बैंगलोर युनाइटेड एफसी, विदेश ११ एफसी, ओडिसा पुलिस एफसी, केन्क्रे एफसी, श्री भूमि एफसी तथा गोकुलम छन् ।