इटालियन क्लब लाजियोका नवनियुक्त म्यानेजर मार्को बिएल्साले नियुक्त भएको दुइ दिनमै क्लब छाडेका छन्।
अर्जेन्टिनाको राष्ट्रिय टोलीको लामो समय प्रशिक्षक रहेका बिएल्साले चिलीको टिम पनि सम्हालेका थिए। स्पेनी क्लब एस्पन्योल र अथेल्तिक बिल्बाओ पनि हेरेका उनले दुइ दिन अघिमात्र लाजियो संग अनुबन्धन गरेका थिए।
लाजियोले आफ्नो वेबसाइटमा जनाए अनुसार बिएल्साले दोश्रो दिनमै राजिनामा बुझाएका हुन् र क्लबले हालसम्म केहि कारण पाएको छैन। क्लबले बिएल्सा विरुद्ध कानुनी प्रक्रिया अघि बढाएको पनि बताएको छ।
बिएल्सा पुन: अर्जेन्टिनाको मुख्य प्रशिक्षक बन्न सक्ने मिडियाहरुले जनाएका छन्।
