पेरिस (एजेन्सी)- पोर्चुगल पहिलो पटक युरोपियन च्याम्पियन बनेको छ । प्रतियोगिताको सुरुआतबाट संघर्षपूर्ण यात्रा तय गर्दै अघि बढेको पोर्चुगल अन्तत युरो २०१६ उपाधिका साथ घर फर्कने तयारीमा छ । उत्कृष्ट तेस्रो टोली बन्दै बल्लतल्ल नकआउट चरण पुगेको पाुर्चगलले सेमिफाइनलबाहेक हरेक खेलमा जितका लागि कठिन परिश्रम गर्नुपर्यो । आज बिहान आयोजक फ्रान्सलाई १–० ले हराउँदै पहिलो पटक युरोपिन च्याम्पियनसिप जितेको थियो ।

 

पेरिसस्थित स्टेड डी फ्रान्स रंगशालामा पोर्चुगलले जितका लागि थप समय सम्म कुर्नु परेको थियो । स्टार खेलाडी क्रिस्टियानो रानाल्डो चोटका कारण पहिलो हाफमा ( २४ मिनेट) मैदानबाट बाहिरिएपछि फ्रान्स हावी हुने अनुमान गरेका थिए । तर पोर्चुग्लले हार मानेन आयोजक फ्रान्स पहिलो पटक घरेलु मैदानमा उपविजेतामा चित्त बुझाउन बाध्य भयो । बल नियन्त्रणमा लिने प्रयास गर्दा दिमित्री पाएटसँग ठोक्किएपछि रोनाल्डो मैदाममै ढले । केही झनको उपचारपछि उनी पुनः मैदान प्रवेश गरे । तर, चोटले उनलाई धेरै बेर खेल्न अनुमति दिएन । आसु झार्दै स्टेचरमा बसेर उनी मैदान बाहिरिए ।

९० मिनेट गोल रहित बराबरीमा टुंगिएपछि थप ३० मिनेटको १९ औं मिनेटमा इडेरले गोल गरेका थिए । इडेरले पेनाल्टी बक्स बाहिरबाट कडा प्रहार गर्दै बललाई पोस्टको दिशा दिएका थिए । फ्रान्सका गोलकिपरले रोक्ने प्रयास गरेपनि उनी बल सम्म पुग्न भ्याएनन् । त्यहि गोलले पोर्चुगललाई ऐतिहासिक सफलता दिलायो ।
यसअघि सन् २००४ को युरो कपमा फाइनल खेलेको पोर्चुगल त्यति बेला अन्डर ग्रिससँग पराजित गरेको थियो । यसपटक पोर्चुगल आफै अन्डर डगका रुपमा उपाधि जितेर फर्केको थियो । समूह चरणका तीन खेल बराबरीमात्र गर्न सकेको पोर्चुगलले नकआउट चरणमा सेमिफाइनल बाहेक सबै खेल थप समयमा पुगेर नतिजा आफ्नो पक्षमा पारेको थियो । उता फ्रान्स भने सेमिफाइनलबाहेक सबै खेल सहजै जितेर अघि बढेको थियो ।
सेमिफाइनलमा फ्रान्स भाग्यशाली बन्न सकेन । पुरा खेलमा जर्मनी हावी भएपनि फ्रान्स दुई गोल गरेर उपाधि नजिक पुगेको थियो । फ्रान्सले फाइनलमा खेलमा पकड त बनायो तर सफल पोर्चुगल भयो । सेमिफाइनल सम्म ६ गोल गरेका फ्रान्सका एन्टोनी ग्रीजम्यान, ओलिभर जिरुड, पाएटले गोलका केही प्रयास गरेका हुन्, तर सफल भएनन् ।