काठमाडौं (हाम्रो खेलकुद)– राष्ट्रिय टोलीकी सावित्रा भण्डारी साम्बाले भारतीय (आई) महिला लिग फुटबलमा गोल गर्ने क्रममलाई चौथो खेलमा पनि जारी राखेकी छिन् । उनी सम्मिलित गोकुलम केरला एफसीले मंगलबार चौथो सिजत निकाल्दा सावित्राले गोल गरेकी थिइन् ।

बैंगलोर रंगशालामा भएको खेलमा गोकुलमलले बैंगलोर युनाइटेड फुटबल क्लबलाई ५–१ ले पराजित गर्दै सेमिफाइनल यात्रा तय गरेको छ । सो खेलमा सावित्राले एक गोल भने कमलाले ह्याट्रिक पुरा गरेकी थिइन् । तेस्रो मिनेटमा बैंगलोरकी कोमल कुमारीको आत्मघाती गोलमा गोकुलमले अग्रता लिएको थियो ।

तर, त्यसको दुई मिनेट नबित्दै बैंगलोरका लागि सत्यवती काडियाले बराबरी गोल गर्दै टोलीलाई खेलमा फर्काइन् । ४६ औं मिनेटमा सावित्राको गोलबाट गोकुलमले अग्रता लिएको थियो । कमलाले ५१ औं ,५९ औं र इन्ज्युरी समयको तेस्रो मिनेटमा गोल गर्दै ह्याट्रिक पुरा गरिन् ।

सावित्राले लिगका ४ खेलमा १२ गोल पु¥याएकी छिन् । पहिलो खेलमा १ गोल गरेकी उनले दोस्रो र तेस्रो खेलमा समान ५ गोल गरेकी थिइन् । लिग अघिको छनोटमा पनि उनले ३ गोल गरेकी थिइन् । समूह ‘बी’को अंक तालिको शीर्ष स्थानमा रहेको गोकुलमले ४ खेलमा १२ अंक जोडेको छ ।

समूह चरणको अन्तिम खेल अघि नै गोलकुल सेमिफाइनलमा पुग्न सफल भएको हो । दुई समूहमा समान ६ टोली छन् । राउन्ड रोविन लिगपछि समूहका शीर्ष दुई टोली सेमिफाइनलमा पुग्नेछन् ।