पिएसजी १५ अंकले अगाडि

एजेन्सी – साविक विजेता पेरिस सेन्ट जर्मेन (पिएसजी) ले यो सिजन पनि उपाधि यात्रालाई मजबुत बनाउन नान्टेसमाथि जित हात पारेको छ । पीएसजीले घरेलु टोली नान्टेसलाई २–१ ले पराजित गर्दै उपाधि यात्रालाई थप मजबुत बनाएको हो ।

जितसँगै पिएसजीले फ्रेन्च लिग वानको शीर्षस्थानमा १५ अंकको अग्रता बनाएको छ । पिएसजीको २३ खेलबाट ५८ अंक पुगेको छ । एक खेल कम खेलेको दोस्रो स्थानको मार्सेलीको ४३ अंक छ । नान्टेस ३२ अंक जोडेर १०औं स्थानमा छ ।

पिएसजीको यो लगातार सातौ जित हो । लिगमा भने पिएसजीको यो लगातार पाँचौ जित हो । मोनाकोसँग ३–३ गोलको बराबरीमा रोकिएयता, पिएसजी विजयी हुँदै आएको छ । लिगमा अब १५ खेल खेल्न बाँकी छ ।

पिएसजीको जितमा मोउरो इकार्डी र थिलो केररले गोल गरे । घरेलु टोलीका मोसेस सिमोनले सान्त्वना गोल फर्काए । २९औं मिनेटमा इकार्डीको गोलबाट पिएसजीले खेलमा अग्रता बनाएको थियो । इकार्डीले एन्जल डि मारियाको पासमा गोल गर्न सफल भयो । ५७औं मिनेटमा एन्जल डि मारियाकै पासमा थिलो केररले गोल गर्दै पीएसजीको अग्रता दोब्बर पारे ।

६८औं मिनेटमा मोसेस सिमोनले गोल गर्दै घरेलु टोलीलाई खेलमा फर्काउने संकेत दिएका थिए । तर, त्यसपछि थप गोल निस्कन नसक्दा पिएसजी २–१ ले विजयी हुन सफल भयो ।

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल