पोर्चुगलका रेनाटो स्यान्चेस र फ्रान्सका एन्टोइन ग्रजिमनले युरो २०१६को व्यक्तिगत उपाधि हात पारेका छन्।
पोर्चुगलका रेनाटो स्यान्चेसले प्रतियोगिताको उत्कृष्ट युवा खेलाडीको उपाधि पाए भने फ्रान्सका लागि ६ गोल गरेका ग्रिजमनले गोल्डेन बुट जिते।
स्यान्चेसले सो उपाधि जित्नका लागि फ्रान्सका किङ्स्ले कोमन र उनकै टोलीका सदस्य राफाएल गुरेरोलाई पछि पारेका हुन्। स्यान्चेसले जारी प्रतियोगितामा राम्रो प्रदर्शन गर्दै बायर्न म्युनिखले युरो सुरु हुनुअघि गरेको अनुबन्धनलाई साबित पारे।
यता फ्रान्सका एन्टोइन ग्रिजमनले फाइनलमा आशातित प्रदर्शनगर्न नसकेपनि गोल्डेन बुट भने हात पारे। समान ३-३ गोल गरेका क्रिस्टियानो रोनाल्डो र ओलिभिएर जिरुले क्रमश: सिल्भर र ब्रोन्ज बुट हात पारे।
