एजेन्सी – बोरुसिया डर्टमन्ड जर्मन बुन्डेस लिगामा बायर लिभरकुसेनसँग स्तब्ध बनेको छ । डर्टमन्ड घरेलु टोलीसँग ४–३ ले स्तब्ध बनेको हो ।

घरेलु टोलीको जितमा केभिन भोलान्डाले दुई तथा लियोन बेइली र लार्स बेन्डरले गोल गरे । डर्टमन्डका म्याट हमेल्स, इम्री क्यान र राफयल गुरेरोले गोल गरे । डर्टमन्ड सुरुवातमा पछि परेपनि अग्रता लिएर पनि जोगाउन नसक्दा स्तब्ध बन्न पुग्यो ।

शनिबार राति भएको खेलको २०औं मिनेटमा नादिम एमिरीको पासमा केभिन भोलान्डले गोल गर्दै घरेलु टोलीलाई शुरुवाती अग्रता दिलाएका थिए । चर, लिभरकुसेनको त्यो अग्रता लामो समय टिकेन । २२औं मिनेटमा जाडोन सान्चोको पासमा म्याट हमेल्सले गोल गर्दै खेललाई १–१ गोलको बराबरीमा ल्याए ।

३३औं मिनेटमा इम्री क्यानले दर्शनीय गोल गरेपछि डर्टमन्डले २–१ को अग्रता लिन सफल भएको थियो । यसै विन्टरमा डर्टमन्ड पुगेका क्यानले पेनाल्टी बक्सबाहिरबाट गरेको सशक्त प्रहार टप राइट कर्नरमा गोलमा परिणत हुदा लिभरकुसेनका गोलरक्षक लुकासले रोक्ने कुनै मौका नै पाएन । ४३औं मिनेटमा केभिन भोलान्डले जोनाथनको पासमा व्यक्तिगत दोस्रो गोल गरेपछि पहिलो हाफ २–२ गोलको बराबरीमा टुंगिएको थियो ।

५२औं मिनेटमा डर्टमन्डका जाडोन सान्चोले गोल गरेपनि भिएआरको मान्यता पाएन । ६५आं मिनेटमा राफेल गुरेरोले गोल गरेपछि डर्टमन्डले खेलमा ३–२ को अग्रता बनायो ।

त्यसपछि दुई मिनेटको अन्तरमा घरेलु टोलीले २ गोल गर्दै खेलमा ४–३ को अग्रता लिन सफल भयो । ८१औं मिनेटमा लियोन बेइलीले बराबरी गोल फर्काए । लगत्तै लार्स बेन्डरले गोल गर्दै लिभरकुसेनले खेलमा अग्रता लिन सफल भयो । त्यसपछि थप गोल निस्कन नसक्दा ४–३ ले स्तब्ध बन्न पुग्यो ।

हारपछि डर्टमन्डले दोस्रो स्थानमा उक्लने मौका गुमायो । डर्टमन्डको २१ खेलबाट ३९ अंक छ । दोस्रो स्थानको आरवी लेइपजिगको ४१ अंक छ । शीर्षस्थानको बायर्न म्युनिखको ४२ अंक छ । लिभरकुसेन ३७ अंक जोडेर पाँचौ स्थानमा उक्लिएको छ ।

अन्य नतिजा

फ्रन्कफर्टविरुद्ध अग्सवर्ग (५–०)

फेइवर्गविरुद्ध होफेनआइन (१–०)

हर्था बर्लिनविरुद्ध मेइन्ज (१–३)

साल्केविरुद्ध पाडेरवर्न (१–१)

वेर्डर ब्रेमेनविरुद्ध युनियन बर्लिन (०–२)

वल्फवर्गविरु४ डुसेलडर्फ (१–१)