2 years ago
May 6, 2024
हिमाल खरेल, बिर्तामोड
प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ ।
कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् । बस्नेतलाई तत्कालीन भीम आचार्यको सरकारले २०७८ असोज २४ गते बोर्डको सदस्य सचिवमा नियुक्त गरेको थियो ।
तत्कालीन राजेन्द्र राईको प्रदेश सरकारबाट २०७८ चैत २२ गते पदमुक्त भएका बस्नेत २०८१ बैशाख १७ गते उच्च अदालतमार्फत सदस्य सचिवमा पुनर्वहाली भएका थिए ।
तर, उनी बोर्ड सदस्य सचिवमा पुनर्वहाली हुँदा प्रदेशसभा सदस्य निर्वाचन ऐन २०७४ को दफा १२ (ङ), दफा १३ तथा प्रदेश खेलकुद ऐन २०७६ को २७ प्रतिकूल हुने भएकाले मुख्यमन्त्री कार्यालयले स्पष्टीकरण बुझाउन बस्नेतलाई आदेश दिएको हो ।
कुनै पनि सरकारी लाभको पदमा रहेको व्यक्तिले निर्वाचनमा भाग लिनुअघि सो पदबाट राजीनामा दिनुपर्नेमा बस्नेतले त्यसो नगरेको मुख्यमन्त्री कार्यालयले जनाएको छ ।
म सदस्य सचिव नै छु, मलाई सदस्य सचिव कायमै गरियोस् भनेर दाबी गरिरहँदा तथा हाल पुनर्वहाली भई हालसम्मको तलब पनि पाउने व्यवस्था भइरहँदा उनी २०७९ मंसिर ४ गतेको निर्वाचनमा प्रदेशसभा सदस्यको उम्मेदवार रहेका थिए ।
प्रदेशसभा सदस्यमा उम्मेदवारी दर्ता गर्नेबित्तिकै बस्नेत सदस्य सचिवबाट स्वतः पदमुक्त हुने कानुनी व्यवस्था रहेकाले मुख्यमन्त्रीले बस्नेतको पदले निरन्तरता पाउने हो होइन भनी स्पष्टीकरण सोधेको हो ।
बस्नेतले आज कार्यालय समयसम्म चित्तबुझ्दो स्पष्टीकरण नबुझाए नियमानुसार हुने मुख्यमन्त्री कार्कीले बस्नेतलाई पठाएको पत्रमा उल्लेख छ ।
December 5, 2025
काठमाडौं (हाम्रो खेलकुद)- राष्ट्रिय खेलकुद परिषद्ले सन्चालन गरेको मिसन २०२६ मा रहेका त्रिभुवन आर्मी क्लबकी गीता कठायत र नेपाल पुलिस क्लबका अभिषेक बरालले १३औं कोरियन एम्बेस्डर अन्तर्राष्ट्रिय तेक्वान्दो प्रतियोगितामा स्वर्ण पदक जितेका छन् । सातदोबाटोस्थित नेपाल तेक्वान्दो संघको हलमा शुक्रवार भएको सिनियर महिलाको ५३ केजीमुनिको तौल समूहमा गीताले पहिलो स्थान प्राप्त गरेकी हुन्। गीताले फाइनलमा […]
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
