दिपक बोहोरा,इलाम

राइनोज गोल्डकपको उपाधि जितेको ए डिभिजन क्लब त्रिभुवन आर्मीले छैटौं माइभ्याली गोल्डकपको सेमिफाइनलमा पुगेको छ । 

अर्को ए डिभिजन क्लब संकटा आइतबार २– १ ले हराउँदै आर्मीले अन्तिम चारको यात्रा तय गरेको थियो । आर्मी जितमा दुवै गोल सुदिल राईले गरे । आर्मीले सेमिफाइनलमा माइभ्याली र मोहम्मडन कोलकोक्ताबीचको विजेतासँग प्रतिस्पर्धा गर्नेछ ।

संकटा र आर्मीले यस अघि ए डिभिजन लिगको छैटौं राउन्डमा १–१ गोलको बराबरी खेलेका थिए । इलामको ठूलो टुँडिखेलमा सोमबार आर्मी र संकटाबीचको खेल प्रतिस्पर्धात्मक बनेको थियो । सातौं मिनेटमा सुदिलको गोलबाट आर्मीले अग्रता लिएको थियो ।

४० औं मिनेटमा ड्याडी बेम्बेले बराबरी गोल गरेका थिए । ७२ औं मिनेटमा सुदिलले गोल गर्दै टोलीलाई जित दिलाएका थिए । संकटाका गोल रक्षक विनय श्रेष्ठ पोष्ट भन्दा केहि अगाडि बढेको मौका उनले गोल गरेका थिए ।

खेल अवधि भर निकै दबाब सृजना गरे पनि संकटाले हार टार्न सकेन । म्यान अफ दी म्याच बनेका सुदिलले १० हजार रुपैयाँ प्राप्त गरे । अवसर गुमाउँदा हुनु परेको संकटाका प्रशिक्षक राजुमान तुलाधरले बताए ।

योजना अनुसारको प्रदर्शनले सफलता मिलेको आर्मीका प्रशिक्षक नवीन न्यौपानेले बताए । लिग च्याम्पियन मछिन्द्रसहित ए डिभिजनका ३ क्लब त्रिभुवन आर्मी क्लब, संकटाको सहभागिता रहेको प्रतियोगितामा १० टोलीको सहभागिता रहेको छ ।

फागुन २४ गते सम्म चल्ने गोल्डकपको विजेताले ८ लाख र दोस्रो हुने टोलीले ५ लाख रुपैयाँ प्राप्त गर्नेछ ।

माइभ्यालि गोल्डकपमा सोमबार हुने खेल
मछिन्द्र र गोर्खा ब्वाईज रुपन्देही