4 years ago
March 1, 2020
एजेन्सी – इंग्लिस प्रिमियर लिगमा म्यानचेस्टर युनाइटेड हारबाट जोगिदा टोटेनहम हस्टपरले पराजय भोगेको छ । म्यानचेस्टर युनाइटेड एभर्टनसँग १–१ गोलको बराबरीमा रोकिदा टोटेनहमले वल्भ्ससँग ३–२ को हार बेहोरेको हो । गुडिसन पार्क लिभरपुलमा आइतबार राति भएको खेलमा एभर्टनका डोमिनिक कलभर्ट लेविनले गोल गर्दा युनाइटेडका ब्रुनो फर्नान्डेजले बराबरी गोल फर्काए । खेलको तेस्रो मिनेटमा नै युनाइटेडका […]
एजेन्सी – इंग्लिस प्रिमियर लिगमा म्यानचेस्टर युनाइटेड हारबाट जोगिदा टोटेनहम हस्टपरले पराजय भोगेको छ । म्यानचेस्टर युनाइटेड एभर्टनसँग १–१ गोलको बराबरीमा रोकिदा टोटेनहमले वल्भ्ससँग ३–२ को हार बेहोरेको हो ।
गुडिसन पार्क लिभरपुलमा आइतबार राति भएको खेलमा एभर्टनका डोमिनिक कलभर्ट लेविनले गोल गर्दा युनाइटेडका ब्रुनो फर्नान्डेजले बराबरी गोल फर्काए ।
खेलको तेस्रो मिनेटमा नै युनाइटेडका गोलरक्षक डेभिड हे गेयाको गम्भीर गल्तीमा घरेलु टोलीले खेलमा अग्रता बनाएको थियो । ह्यारी मिगुएरको ब्याक पासलाई गोलरक्षक गेयाले लामो प्रहार गर्न ढिला गर्दा कलभर्टले ब्लक गर्दै नियन्त्रणमा लिदै खाली पोस्टमा गोल गरेका थिए ।
३१औं मिनेटमा ब्रुनो फर्नान्डेजले बराबरी गोल फर्काए । नेमान्जा माटिकको क्रस पासमा गोल गर्न सफल भएका थिए । घरेलु टोलीविरुद्ध बल पोजेसन राखेपनि युनाइटेडले गोल गर्न अवसर बनाउन सकेको थिएन ।
९०औं मिनेटमा ब्रुनो फर्नान्डेजको प्रहारलाई एभर्टन तथा इंग्ल्यान्डका पहिलो रोजाईका गोलरक्षक जोर्डन पिकफोर्डले बचाउदै सम्भावित हार टारेका थिए । इन्ज्युरी समयको थप गरिएको तेस्रो मिनेटमा कलभर्टले गोल गरेपनि भिएआरबाट मान्यता नपाउदा जितबाट वञ्चित बन्यो । उनी अफसाइड ठहरिए ।
बराबरीसँगै म्यानचेस्टर युनाइटेड २८ खेलबाट ४२ अंक जोडेर पाँचौ स्थानमा यथावत छ । एभर्टन ३७ अंक जोडेर ११औं स्थानमा रहेको छ ।
प्रिमियर लिगकै अर्काे खेलमा घरेलु मैदानमै टोटेनहम वल्भ्ससँग ३–२ ले पराजित भएको छ । टोटेनहमले खेलमा दुईपटक अग्रता लिएर पनि पराजित हुन पुगेको हो । टोटेनहमका स्टेभेन वर्गविजिन र सर्जी औरिएरले गोल गरे । वल्भ्सका माट दोहर्थी, डिएगो जोटा र राहुल जिमिनेजले गोल गरे ।
१३औं मिनेटमा स्टेभेनको गोलबाट टोटेनहमले खेलमा अग्रता बनाएको थियो । २७औं मिनेटमा माट दोहर्थीले बराबरी गोल फर्काए । पहिलो हाफको इन्ज्युरी समयमा सर्जी औरिएरले गोल गरेपछि टोटेनहमले खेलमा २–१ को अग्रता बनायो ।
५७औं मिनेटमा डिएगो जोटाले बराबरी गोल फर्काए । ७३औं मिनेटमा राहुल जिमिनेजले गोल गर्दै टोटेनहमलाई उसकै मैदानमा ३–२ को हार चखाए । जितसँगै वल्भ्स २८ खेलबाट ४२ अंक जोडेर छैटौ स्थानमा उक्लादा ४० अंक जोडेको टोटेनहम सातौ स्थानमा झरेको छ ।
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]
April 28, 2024
हिमाल खरेल, झापाझापाको बुद्वशान्तिमा सुरु भएको तेस्रो आदर्श च्यालेन्ज कप फुटबल प्रतियोगिताको उद्घाटन खेलमा विजयी हुँदै आयोजक आदर्श युवा क्लब सेमिफाइनलमा प्रवेश गरेको छ । ध्रुवतारा स्पोर्टिङ क्लबलाई २-१ले हराउँदै आयोजक अन्तिम चारमा पुगेको हो । आयोजकका लागि खेलको १७ औं मिनेटमा कप्तान पुजन थापाले पहिलो गोल गरे । रोमन भुजेलले दिएको क्रसमा पेनाल्टी बक्समा […]
April 28, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल खालिज माथि १-० को जित निकालेको हो । अल नासरको जितमा डिफेन्डर आईमेरीक लापोर्टले खेलको एकमात्र गोल गरे । ६८औं मिनेटमा मार्सेलो ब्रोजोभिचको क्रसमा उनले हेडर मार्फत गोल गर्दै खेलमा आफ्नो टोलीलाई जित दिलाए । जित पछि […]