एजेन्सी – युक्रेनी क्लब साख्तर डोनेस्कले युइएफए युरोपा लिगको प्रि–क्वाटरफाइनलको पहिलो लेगमा जर्मन क्लब वल्फवर्गमाथि साँघुरो जित निकालेको छ । साख्तरले घरेलु टोलीलाई २–१ ले हराएको हो ।

वल्फमा साख्तरको जितमा जुनियर मोराइस र मार्काेस बाहियाले गोल गरे । घरेलु टोलीका जोन एन्थोनी ब्रुक्सले एक गोल फर्काए ।
प्रतिस्पर्धात्मक बनेको खेलको १७औं मिनेटमा जुनियर मोराइसले गोल गर्दै पाहुना टोलीलाई अग्रता दिलाएका थिए ।

२२औं मिनेटमा साख्तर पेनाल्टीमा चुक्दा अग्रता दोब्बर बनाउनबाट चुक्यो । म्याक्सीमिलियन अर्नाेल्डले ह्यान्ड गरेपछि प्राप्त पेनाल्टीमा भिक्टोर कोभालेन्को चुके ।पहिलो हाफको इन्ज्युरी समयको थप गरिएको तेस्रो मिनेटमा घरेलु टोली वल्फवर्ग पनि पेनाल्टीमा चुक्दा बराबरीबाट चुक्यो । माइकोला माटभियान्कोले पेनाल्टी बक्समा ह्यान गरेपछि प्राप्त पेनाल्टीमा वउट वेगहस्ट चुके ।

दोस्रो हाफमा शुरुमै वल्फवर्गले खेललाई बराबरीमा ल्याउन सफल भयो । जोन एन्थोनीले जोसिप ब्रेकालोको पासमा गोल गर्न सफल भएका थिए । ७३औं मिनेटमा मार्काेसले गोल गरेपछि ािख्तरले खेलमा पुन २–१ को अग्रता बनायो । त्यसपछि थप गोल निस्कन नसक्दा साख्तर विजयी हुन सफल भयो ।

दुई खवे गोल रहेका कारण साख्तरको क्वाटरफाइन्ल पुग्ने सम्भवना बढी छ । दोस्रो लेग साख्तरको मैदानमा १९ मार्चमा हुनेछ । विश्वव्यापी रुपमा फैलिइएको कोरोना (कोभड–१९) का कारण दोस्रो लेग स्थगित हुन सक्नेछ ।

अन्य नतिजा

फ्रन्कफर्टविरुद्ध बसेल (०–३)

इस्तानुबुलविरुद्ध एफसी कोपेनहेवन (१–०)

ओलम्पियाकोसविरुद्ध वल्भ्स (१–१)

रेन्जर्सविरुद्ध लिभरकुसेन (१–३)

सेभिया र रोमा तथा इन्टर मिलान र गेटाफेबीचको खेल भने । विश्वव्यापी रुपमा फैलिइएको कोरोना (कोभड–१९) का कारण स्थगित भएको छ ।