दिपक बोहोरा, पाँचथर

यति बेला विश्व कोरोना भाइरस (कोभिड १९) को चपेटामा परेको छ । संक्रमण फैलन नपाओस् भन्नका लागि सरकारले चैत ११ देखि १८ गते सम्म लकडाउन गरेको छ । नेपालमा ३ जना कोरोना भाइरस पोजेटिभ पाएको थियो । जसमा १ जना निको भइसकेका छन् भने २ जना उपचार गराइरहेका छन् ।

संक्रमण बढ्न नदिनका लागि अस्पतालमा स्वास्थ्य सामाग्रीहरुको अभाव देखिएको छ । त्यसैलाई मध्ये नजर गर्दै इलामको माईभ्याली फुटबल क्लबले इलाम अस्पतालका स्वास्थ्यकर्मीलाई पर्सनल प्रोटेक्टिभ इक्युप्मेन्ट (पिपिई) उपलब्ध गराउने भएको छ ।

स्वास्थ्यकर्मी पिपिईको अभावमा सामान्य मास्कको भरमा काम गर्नु परेको भन्दै पिपिई उपलब्ध गराउने क्लबका अध्यक्ष धिरेन चेम्जोङले बताए । क्लबले ५० जना स्वास्थ्यकर्मीलाई ५५ हजार मुल्य बराबरको पिपिई उपलव्ध गराउने चेम्जोङ जनाएका छन् ।

५० शैयाको इलाम अस्पतालमा अहिले १५ बेडको क्वारेन्टाइन बनाइएको छ । क्लबले यसअघि जिल्लामा स्थापना हुने कोरोना प्रतिकार्य कोषमा ५० हजार रुपैयाँ सहयोग गरेको थियो ।

क्लबको आयोजनामा फागुनमा माइभ्यालि गोल्डकपको छैटौ संस्करण सम्पन्न भएको थियो । जसको उपाधि सहिद स्मारक ए डिभिजन लिगको विजेता सानमिगेल मछिन्द्र क्लबले जितेको थियो ।