4 years ago
May 3, 2020
एजेन्सी – मोनाकोका मिडफिल्डर सेस फाब्रिगासले नेयमारको खेललाई बार्सिलोनाका पूर्व स्टार रोनाल्डिन्होसँग तुलाना गरेका छन् । नेयमार सन् २०१७ मा बार्सिलोनाबाट पेरिस सेन्ट जर्मेन (पिएसजी) पुगेका थिए । बार्सिलोनाका पूर्व सहकर्मीले लिग वानमा पुगेर प्रभाव छाडेको फाब्रिगसाले बताएका छन् । यी दुईले बार्सिलोनामा सँगै रहेर पनि खेलेका थिए । ‘नेयमार राम्रा खेलाडी हुन् । उनी […]
एजेन्सी – मोनाकोका मिडफिल्डर सेस फाब्रिगासले नेयमारको खेललाई बार्सिलोनाका पूर्व स्टार रोनाल्डिन्होसँग तुलाना गरेका छन् ।
नेयमार सन् २०१७ मा बार्सिलोनाबाट पेरिस सेन्ट जर्मेन (पिएसजी) पुगेका थिए । बार्सिलोनाका पूर्व सहकर्मीले लिग वानमा पुगेर प्रभाव छाडेको फाब्रिगसाले बताएका छन् । यी दुईले बार्सिलोनामा सँगै रहेर पनि खेलेका थिए ।
‘नेयमार राम्रा खेलाडी हुन् । उनी रोनाल्डिन्होको स्तरका भएका छन्’, उनले भने, ‘उनी सुपर स्टार हुन् । उनले जसरी चाहन्छन् त्यसरी खेलमा प्रभाव पार्न सक्छन् । मेस्सी त्यहि भएर उनलाई टोलीमा चाहन्थे । मैले केहि अगाडि उनीसँग खेलें । पिएसजीसँगको दुई खेलमा उनले हामीलाई हराएका थिए ।’
बार्सिलोनामा खेल्दाको समयको पनि फाब्रिगासले स्मरण गरेका छन् । ‘लियोनल मेस्सी, लुइस स्वारेज लगायत टोलीका अन्य खेलाडीले उनलाई मन पराउँथे’ , फेब्रिगसाले भने, ‘कुनै पनि समय उनी बल ड्रिबल गर्न सक्थे । पास निकाल्न सक्थे । कठिन खेलमा पनि उनको केहि न केहि योगदान हुन्थ्यो ।’
मैदान बाहिर फाब्रिगास नेयमारको आलोचक रहन्थे । तर अहिले भने उनीको धारणा बदलिएको छ । ‘उनी एकदमै सहज छन्’, उनले भने, ‘मैदान बाहिर उनमा बालपन छ । उनी बच्चा जस्तै छन् । उनी जहिले पनि खुसी हुन्छन् र जीवनमा मजा लिन्छन् ।’
बार्सिलोना छाडेर फेब्रिसास २०१४ मा चेल्सी गएका थिए । उनले बार्सिलोनाबाट एट्लेटिको म्याड्रिड विरुद्ध अन्तिम खेल खेलेका थिए । त्यहि खेलबाट एट्लेटिकोले क्याम्प नोउमा उपाधि जितेको थियो । फाब्रिगास त्यहि खेलपछि चेल्सीको यात्रा तय भएको स्मरण गर्छन् ।
‘त्यो बेला मलाई टाटा मार्टिनोले हरेक खेलमा खेलाउँथे । मैले खेल जीवनमा त्यो समय सबै भन्दा बढी खेले । मैले एक वर्षमा झन्डै ६० खेल खेलेको थिएँ’, उनले भने, ‘मैले त्यति बेला पहिलो रोजाईमा मौका पाएको थिए । जाभी हर्नान्डेज सुरुवाती रोजाइमा परेनन् । खेलमा म संलग्न नभएको एक गोल अफसाइड दिइयो । म लालिगा खेलेरै बस्न सक्थें तर घरेलु मैदानमा लिग हारेपछि छाड्ने निर्णय लिएँ ।’
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]