4 years ago
June 1, 2020
काठमाडौं (हाम्रो खेलकुद) – अध्यक्ष कर्मा छिरिङ शेर्पा अभिव्यक्तिका कारण विवादमा परेपछि पहिलो पटक अखिल नेपाल फुटबल संघ (एन्फा) को कार्यसमिति बैठक आज बस्दैछ । एन्फा अध्यक्ष शेर्पाले केहि दिन अघि वेभ अन्तवार्ताका क्रममा दिएको तराईमा राष्ट्रियताको कमी रहेको भनाई विवादमा परेको थियो । नेपाली सेना सँगको सहकार्यमा तराईका ४ जिल्ला सप्तरी, सिराहा, धनुषा र […]
काठमाडौं (हाम्रो खेलकुद) – अध्यक्ष कर्मा छिरिङ शेर्पा अभिव्यक्तिका कारण विवादमा परेपछि पहिलो पटक अखिल नेपाल फुटबल संघ (एन्फा) को कार्यसमिति बैठक आज बस्दैछ ।
एन्फा अध्यक्ष शेर्पाले केहि दिन अघि वेभ अन्तवार्ताका क्रममा दिएको तराईमा राष्ट्रियताको कमी रहेको भनाई विवादमा परेको थियो । नेपाली सेना सँगको सहकार्यमा तराईका ४ जिल्ला सप्तरी, सिराहा, धनुषा र महोत्तरीमा ग्रासरुटको कार्यक्रम सुरु गरेको बताउने क्रममा शेर्पाको राष्ट्रियताको प्रसंग उठाएका थिए ।
सोहि विषयमा बुधार संसदमा बुधबार सांसद विमलप्रसाद श्रीवास्तवले एन्फा अध्यक्ष शेर्पालाई कारवाही गर्न माग गरेका छन् । ‘एन्फाका अध्यक्ष कर्मा छिरिङ शेर्पाले नेपाली समाजमा विभेदको विजारोपण गरेको बुझिएको छ ,’ सांसद श्रीवास्तवले भनेका, ‘उहाँले मधेसीहरुलाई सेनाको माध्यम लगाएर राष्ट्रिय गान सिकाउँदैछु भन्ने जस्ता अभिव्यक्ति दिनुभएको हुनाले त्यस्ता अभिव्यक्ति दिने ति जिम्मेवार व्यक्तिलाई छानविन गरि आवश्यक कारवाही गर्न सभामुखमार्फत माग गर्दछु ।’
आफ्नो अभिव्यक्ति विवादमा परेपछि पनि एन्फा शेर्पाले भने आधिकारिक धारणा सार्वजनिक गरेका छैनन् । अध्यक्षको विवादस्पद अभिव्यक्तिका विषयमा बैठकमा प्रश्न उठ्ने सम्भावना रहेको बताइएको छ । यद्दपी यो विवाद सार्वजनिक हुनु अघि नै बैठक तय भएकोले एजेन्डामा भने समावेश छैन ।
बैठकका लागि एन्फाको बार्षिक बजेट, कोभिड १९ को कारण उत्पन्न कठिन परिस्थितिमा उपलब्ध गराउने राहत, अनुशासन र एन्फा कंग्रेसका विषयमा एजेण्डा तय भएको छ । कोभिड १९ का कारण सरकारले गरेको लकडाउनका कारण एन्फा बैठक अनलाइनमार्फत बस्न लागेको जनाइएको छ ।
कोभिड १९ कै कारण एन्फाले चैत १६ लाई तय गरेको साधारण सभा स्थगित गरेको थियो । केन्द्रिय सदस्य रत्नकुमार श्रेष्ठको संयोजकत्वमा गठित समितिले राहतका लागि फुटबल संघ सम्बन्धित खेलाडी, प्रशिक्षक, जिल्ला संघ, ए,बी सी, डिभिजन क्लब र अन्य सम्बन्धित व्यक्तिहरुको सुची बुझाउने सम्भावना रहेको बताएको छ ।
त्यस्तै स्पष्टिकरण चित्त नबुझेको भन्दै साधारण सभाका लागि निलम्बन गरिएका ललितपुर एन्फाका अध्यक्ष पुरुषोत्तम थापाका विषयमा पनि बैठकमा छलफल हुनेछ । त्यहि प्रसंगका लागि अनुशासनको एजेन्डा राखिएको जनाइएको छ । अध्यक्ष शेर्पाको विषय एन्फाको अनुशासनको विषयमा पर्छ पर्दैन त्यो पनि हेर्न बाँकी छ । विविधमा अन्य विषयमा पनि बैठकमा छलफल हुन सक्ने अनुमान गरिएको छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]