एजेन्सी – क्याटलान क्लब बार्सिलोनाका सिनियर टोलीमै रहेका पाँच खेलाडी कोरोना भाइरस (कोभिड–१९) को संक्रमणबाट मुक्त भएका छन् । आफ्ना सिनियर टोलीकै पाँच खेलाडीमा कोरोना संक्रमण पुष्टि भएपनि बार्सिलोना र स्पेनिस ला लिगा आयोजकले यो विषयलाई गोप्य नै राखेको थियो ।

एक दावी अनुसार पछिल्लो परिक्षणमा उनीहरुमा कोरोनाको लक्षण नदेखिएपछि उनीहरु टिमको पुर्ण प्रशिक्षणमा जोडिइसकेका छन् । ति पाँच खेलाडीको नाम गोप्य नै राखिएको छ । यद्दपि क्लबका पदाधिकारीहरु यो विषयमा चिन्तित छन् । उनीहरुलाई भविष्यमा खेल दौरान चोट बोक्ने सम्भावना बढि हुने बुझिएको छ ।

यस विषयमा क्लब र ला लिगाले जानकारी गराउने पर्ने भएपनि सार्वजनिक रुपमा भने गोप्य राखिएको थियो । क्लबले दुई साताअघि देखि नियमित प्रशिक्षण थाल्नुअघि आफ्ना सबै खेलाडीको कोरोना परिक्षण गरेको थियो । स्पेनिस ला लिगा ११ जुनबाट सुरु हुँदैछ । बार्सिलोनाले १३ मार्चमा मर्लाेकासँग खेल्दै स्थगित ला लिगा शुरु गर्दैछ ।

ला लिगाको ११ चरणको खेल बाँकी रहँदा बार्सिलोनाले निकटतम प्रतिद्धन्द्धी रियल म्याड्रिडलाई २ अंकले पछि पारेको छ । बार्सिलोनाको ५८ तथा रियलको ५६ अंक छ । कोरोनाका कारण स्पेनमा २ लाख ४० हजार बढीमा कोरोना संक्रमण पुष्टि हुँदा २७ हजार बढीले ज्यान गुमाएका छन् ।